Tags-Shahr

shahr-dar-shahr phirī mirī gunāhoñ kī bayāz
ba.az nazroñ pe mirā soz-e-hakīmāna khulā

shahr ko raunaq mile hai gaañv se
peḌ kī tāqat na jāñcho chhāñv se

chuTkī bhar ummīd nahīñ thī kaasa le kar kyā phirte
shahr-e-vafā kī saarī galiyāñ apnī dekhī-bhālī thiiñ

suno ki maiñ ne dharī hai sat.h-e-ravāñ pe ik Doltī imārat
aur ek sham-e-tarab ko shahr-e-malāl kā pāsbāñ kiyā hai

shahr kā manzar hamāre ghar ke pas-e-manzar meñ hai
ab udhar bhī ajnabī chehre nazar aane lage

hañstī gaatī sab tasvīreñ sākit aur mab.hūt huiiñ
lagtā hai ab shahr hī saarā ek purāne album sā

phir sūraj ne shahr pe apne qahr kā yuuñ āġhāz kiyā
jin jin ke lambe dāman the un kā ifshā raaz kiyā

shahr meñ is kaifiyat kā hai kaun muharrik kuchh to kaho
jis kaifiyat ne tum ko dīvānoñ meñ mumtāz kiyā

kyā kahiye ki kyā ho gayā is shahr kā aalam
jis shahr meñ ulfat ke bhī dastūr rahe haiñ

shahr kī saarī alif-lailā.eñ būḌhī ho chukīñ
shāhzāde ko koī taaza kahānī chāhiye

chand rāhat bhare lamhāt kī ḳhvāhish meñ 'obaid'
shahr vaale sabhī betāb nazar aate haiñ

ham aaj shahr-e-yār ke ma.atūb haiñ to kyā
har-dam vo apne shahr meñ tarsāñ hamīñ se hai

the muntazir hamāre bhī gul-chehragān-e-shahr
lekin rihā giraft-e-jahāñ se na ham hue

rat-jage taqsīm kartī phir rahī haiñ shahr meñ
shauq jin āñkhoñ ko kal tak raat meñ sone kā thā

nahīñ ho tum to aisā lag rahā hai
ki jaise shahr meñ curfew lagā hai

lahū āñkhoñ meñ aa kar chhup gayā hai
na jaane shahr-e-dil meñ kyā huā hai

gavāhī de rahā huuñ,
ab se kuchh pahle junūbī shahr ke us paar maiñ dekhā gayā thā

aaj suntā huuñ vahī naqsh-e-qadam chūmte haiñ
jo bahut ḳhush the mire shahr-badar hone tak

agar kabhī be-dhyānī ke aalam meñ
ham nīche shahr meñ gire bhī

kabhī dil kulbulātā hai ki pūchhūñ ā.inoñ ke shahr meñ be-chehragī kaisī
vo vahshī jo pas-e-dīvār apne dast-e-jinsī se dur-e-nāsufta kī pākīzgī ko taar karte haiñ