Tags-Shajar

koī nagar koī galī shajar kī chhāñv hī sahī
ye zindagī na kaT sake masāfatoñ ke darmiyāñ

shajar par aTkā dekhā terā lahrātā dupaTTa jo
khilaunā dekh jī lalchātā bachcha ho gayā huuñ maiñ

alāmat-e-shajar-e-sāya-dār bhī vo jism
ḳharābi-e-dil-o-dīda kā isti.āra bhī

shajar se TuuT ke jab maiñ girā kahāñ pe girā
mujhe talāsh karo

sehn-e-dil meñ jo lagā.e the tamannā ke shajar
aisā lagtā hai vo imsāl bhī phalne ke nahīñ

binā sahāroñ ke ziist mushkil guzār aa.e to phir ye jaanā
ki maiñ hī apne hasīñ chaman kā zamīn-e-nam thī shajar ghanā thī

chand be-zor shajar chand khilā.e hue phuul
aur gulchīñ kī gulistāñ pe ināyat kyā hai

dhuup sī dhuup meñ ik umr kaTī hai apnī
dasht aisā ki jahāñ koī shajar bhī na milā

varna mujh ko dhuup kā sahrā kabhī na chhoḌtā
aa gayā hai kaam mere ik shajar kā jāgnā

guloñ se hai gilā shāḳh-e-shajar ko
samundar pāniyoñ se ḳhush nahīñ hai

sañg hī sañg haiñ āñgan meñ 'ziyā'
pas-e-dīvār shajar kis kā hai

chalte chalte jo thake paañv to ham baiTh ga.e
niiñd gaThrī pe dharī ḳhvāb shajar par rakkhā

ḳhushbuoñ kā shajar nahīñ dekhā
ek muddat se ghar nahīñ dekhā

kisī gunāh kī pādāsh meñ haiñ sab zinda
mire shajar mire manzar bhī maiñ bhī duniyā bhī

kyā roz-e-bad meñ saath rahe koī ham-nashīñ
patte bhī bhāgte haiñ ḳhizāñ meñ shajar se duur

ik diyā jaltā hai kitnī bhī chale tez havā
TuuT jaate haiñ ka.ī ek shajar bārish meñ

kahīñ sarmāya-e-mahfil thī merī garm-guftārī
kahīñ sab ko pareshāñ kar ga.ī merī kam-āmezī

taḌap rahā hai bārishoñ meñ mere jism kā shajar
siyāh abr meñ ghire hue chīnār kī tarah

amaañ kise thī mire saa.e meñ jo ruktā koī
ḳhud apnī aag meñ jaltā huā shajar thā maiñ

zarā imkān kyā dekhā namī kā
nikal aa.e shajar dīvār-o-dar se