English
Favourite
Favourite
UrduShayarUrduShayar
Expand menu
Sign inAccount

Tags-Shama

tumhīñ se hai ye nūr-e-sham.a aur ye soz-e-parvāna
tumhīñ ko ahl-e-mahfil raunaq-e-mahfil samajhte haiñ
Ghazal
 na kuchh aalim samajhte hain na kuchh jahil samajhte hain
hotī kahāñ hai dil se judā dil kī aarzū
jaatā kahāñ hai sham.a ko parvāna chhoḌ kar
Ghazal
 rahat na mil saki mujhe mai-KHana chhoD kar
vo bekas huuñ sivā.e shabnam-e-giryāñ pas-e-murdan
diyā rone meñ kis ne saath merī sham-e-turbat kā
Ghazal
 rag-o-pai mein bhara hai mere shor uski mohabbat ka
jalā kar sham.a parvāne ko saarī umr rotī hai
aur apnī jaan de kar chain se sotā hai parvāna
Ghazal
 na mehrab-e-haram samjhe na jaane taq-e-but-KHana
sham.a thā yaar jo pighal jaatā
aur maiñ parvāna thā jo jal jaatā
Ghazal
 unki chuTki mein dil na mal jata
sūraj haiñ kabhī chāñd kabhī sham.a kabhī phuul
kis roz na.e ruup vo badlā nahīñ karte
Ghazal
 KHuban-e-fusun-gar se hum uljha nahin karte
sabr kī mujh ko judā.ī meñ hai talqīn fuzūl
ye to jab ho ki rahe sham.a se parvāna judā
Ghazal
 sare aalam se mere gham ka hai afsana juda
ye sham-o-anjuman ye mai-o-jām ye bahār
mehmān raat bhar ke haiñ vaqt-e-sahar kahāñ
Ghazal
 kuchh hai KHabar farishton ke jalte hain par kahan
tumhārī yaad baḌhī aur dil huā raushan
ye ek sham.a añdhere ne ḳhud jalā lī hai
Ghazal
 jo mil gaya hai yahan jalwa-e-KHayali hai
raushan haiñ jahāñ sham-e-mohabbat kī qatāreñ
vo kunj-e-kam-āsār nazar hī nahīñ aayā
Ghazal
 ek umr bhaTakte rahe ghar hi nahin aaya
qasr-e-ḳhayāl ḳhvāb-e-makāñ āstān-e-dil
rakkhī jahāñ bhī sham.a vahī taaq ho gayā
Ghazal
 zarra jo koi mehr ke misdaq ho gaya
sab pe raushan hai hamārī sozish-e-dil bazm meñ
sham.a saañ jalte haiñ apnī garm-bāzārī meñ ham
Ghazal
 mar gae ai wah unki naz-bardari mein hum
mirī be-kalī kā subūt hai mirī sham.a-e-ḳhvāb ke sāmne
koī garm mauj gumān kī koī sard lahr umañg kī
Ghazal
 mere najm-e-KHwab ke ru-ba-ru koi shai nahin mere Dhang ki
pahle qabristān aatā hai phir apnī bastī aatī hai
jaane kitnī qabroñ se ho kar sham-e-hastī aatī hai
Ghazal
 pahle qabristan aata hai phir apni basti aati hai
sham.a kī lau meñ kuchh dhuāñ sā hai
koī phir aaj bad-gumāñ sā hai
Ghazal
 shama ki lau mein kuchh dhuan sa hai
ye merā zarf ki maiñ ne asāsa-e-shab se
bas ek ḳhvāb liyā aur chand sham.a-dān liye
Ghazal
 zamin panw tale sar pe aasman liye
koī samjhe ki na samjhe magar ai sham-e-haram
maiñ tujhe shola-e-ruḳhsār-e-butāñ kahtā huuñ
Ghazal
 nikhat-e-zulf ko ham-rishta-e-jaan kahta hun
jī bhar ke tumheñ dekh luuñ taskīn ho kuchh to
mat sham.a bujhāo ki abhī raat bahut hai
Sher
 ji bhar ke tumhein dekh lun taskin ho kuchh to
barq-e-jamāl nāfe-e-mā-o-shumā huī
kyā zikr-e-sham-e-tūr ki vo bhī ḳhamosh hai
Ghazal
 jis ko KHabar nahin use josh-o-KHarosh hai
parvāna reñgtā rahe aur sham.a jal bujhe
is se ziyāda kaun sī zillat kī baat hai
Ghazal
 mere hawas-e-ishq mein kya kam hain muntashir
Top Urdushayar.com