Tags-Shama

talāsh-e-sham.a se paidā hai soz-e-nā-tamām 'aḳhtar'
ḳhud apnī aag meñ jal jaane vaale aur hote haiñ

sham.a se chāñd sivā chāñd se ḳhurshīd sivā
aur in sab se sivā hai ruḳh-e-anvar terā

sham.a ḳhāmosh bhī rahte hue ḳhāmosh kahāñ
is tarah kah diyā sab kuchh ki kahā kuchh bhī nahīñ

khile haiñ phuul suḳhan ke jalī hai sham-e-ḳhayāl
qafas meñ jhāñk ke dekho qafas-zadoñ kā kamāl

daur-e-mai ḳhatm huā sham.a kā dil baiTh gayā
raunaq-e-bazm ga.ī sāqī-e-gulfām ke saath

pa.e fātiha koī aa.e kyuuñ koī chaar phuul chaḌhā.e kyuuñ
koī aa ke sham.a jalā.e kyuuñ maiñ vo bekasī kā mazār huuñ

sham-e-mazār aur ye soz-e-jigar mirā
har shab kareñge zindagī nā-sāz mere ba.ad

qatra-e-ḳhūn kī tābish pe shafaq hairāñ hai
phir hathelī pe liye sham-e-yaqīñ koī thā

tharrā ke sham-e-anjuman-e-aish bujh ga.ī
nairañg-e-nūr-e-sub.h-o-manzar dikhā gayā

kahtī hai ye shaam kī narm havā phir mahkegī is ghar kī fazā
nayā kamra sajā na.ī sham.a jalā tire chāhne vaale aur bhī haiñ

kyā raushnī-e-husn-e-sabīh anjuman meñ hai
fānūs meñ hai sham.a ki tan pairahan meñ hai

kaun hotā hai musībat meñ kisī kā dil-soz
uTh ga.ī sham.a bhī jal kar mire kāshāne se

raushnī detī vo kaise rah-e-ulfat pe 'ra.īs'
sham-e-ummīd jalā.ī thī magar paanī meñ

be-dāroñ kī duniyā kabhī luTtī nahīñ 'daurāñ'
ik sham.a liye tum bhī yahāñ jāgte rahnā

girā rahā hai tirā shauq sham.a par tujh ko
mujhe ye Dar hai na pahuñche kahīñ zarar tujh ko

bujhā do sham-e-mohabbat jalā do gulshan-e-ishq
Darā sakegī na āshiq ko ye muhīb nazar

apnī hī aag meñ jalne kī qasam khaa.ī hai
ḳhvāhish-e-sham-e-farozāñ na tujhe hai na mujhe

garmī-e-husn baḌhī sard huā āshiq-e-zār
sham.a ke phuul se bijlī girī parvāne par

sham.a kyā sham.a kā ujālā kyā
din chaḌhe sāmnā kare koī