Tags-Shama

hujūm-e-bul-havas ke sham.a-e-majlis ho so kyā ma.anī
latīfoñ kuuñ ravā niiñ iḳhtilāt aise kasīfoñ siiñ

'sirāj' is sham.a kuuñ hai shauq parvāne jalāne kā
duā kar yā ilāhī mom dil ho.e ham najīfoñ siiñ

sham.a-rū par na hue kyuuñ kar Dor
dil hamārā patañg hai yaaro

idhar to sham.a thī giryāñ udhar the ham giryāñ
isī tarah pe rahe ashk-bār saarī raat

ḳhayāl-e-sham-ruḳh-e-yār meñ jale tā-sub.h
liyā qarār na parvāna-vār saarī raat

sarishk-e-ġham kabhī sham-e-judā.ī ko bujhā deñge
yahī taare baneñge āftāb āhista āhista

ruḳh-e-raushan dikhā.iye sāhab
sham.a ko kuchh jalā.iye sāhab

is qadar sahl kahāñ marhala-e-soz-o-gudāz
raat bhar sham.a kā jalnā bhī koī baat huī

sham-e-mīnā ke nuur suuñ saaqī
mahfil dil meñ raushnā.ī hai

tasavvur meñ tasadduq meñ huuñ maiñ us sham.a-rū uupar
haiñ goyā 'ishq' ham tasvīr-e-fānūs-e-ḳhayālī ke

sham.a kā apne fatīla nahīñ kis raat jalā
amal-e-hub kī bahut ham ne bhī dāvat dī hai

maiñ huuñ sham-e-mahfil-e-jāvedāñ mirī zindagī nahīñ muḳhtasar
maiñ charāġh-e-rāhguzar nahīñ jo bujhā bujhā sā ho shaam se

us sham.a-rū ke ishq meñ 'dā.ūd' gal sakal
tan ho rahā hai parda-e-fānūs kī namat

sham.a ne dekh ke hī lau bhī baḌhā.ī hogī
har patiñge meñ kahāñ zarf hai jal jaane kā

kyā pattharoñ ke shahr meñ dūkān-e-shīsha-gar
ik sham.a jal rahī hai ġhazab kī havā ke saath

havā kī zad pe jaise sham.a kī lau
maiñ apne hausloñ kā imtihāñ huuñ

kah sake kaun vo kyā hai magar az-rū-e-yaqīñ
gul nahīñ sham.a nahīñ sarv-e-sar-afrāz nahīñ

va qinā rabbanā azābannār
sham.a kī hai hamesha ye tasbīh

yaad aatī rahī bhulā na sake
sham.a jaltī rahī bujhā na sake

ahl-e-zar sāz-e-ra.ūnat se hoveñge dozaḳhī
Dālte haiñ sham.a kī avval rag-e-gardan meñ aag