Tags-Shama

apne jalne meñ kisī ko nahīñ karte haiñ sharīk
raat ho jaa.e to ham sham.a bujhā dete haiñ

raat ke haath pe jaltī huī ik sham-e-vafā
apnā haq māñgtī hai

ik soz ik dhuāñ hai pas-e-parda-e-jamāl
tum laakh sham-e-bazm-e-raqībāñ banā karo

ka.ī āftāb ka.ī qamar mire soz-e-dil se haiñ nūr-gar
ki misāl-e-sham.a sulag rahī hai azal se jān-e-hazīñ mirī

le kahīñ muñh pe naqāb apne ki ai ġhairat-e-sub.h
sham.a ke chehra-e-raḳhshāñ se to ab nuur gayā

tābānī-e-husn-e-ālam hai garmi-e-mohabbat ke dam se
parvāne agar mahfil meñ na hoñ phir sham.a kā jalnā mushkil hai

dil jalāyā sūrat-e-parvāna jab se ishq meñ
farz tab se sham.a par aañsū bahāna ho gayā

afsāna-e-sarguzisht chuuñ sham.a
ro ro ke bahut sunā ga.e ham

mātam-kada-e-jahāñ meñ chuuñ sham.a
ro ro ke jigar bahā ga.e ham

kabhī raushan jo huī sham-e-bahār
baaġh kī be-basarī yaad aa.ī

qadam ko faiz-e-junūñ se vo hausla hai nasīb
jo ḳhār-e-rāh ko bhī sham-e-rahguzār kare

sard māthe par pasīne kī tapish
sham.a kī lau thartharāhaT aur maiñ

bazm-e-ulfat meñ qadam rakhte haiñ jo log apnā
sham.a kī tarah kaf-e-dast pe sar rahtā hai

husn bhī kambaḳht kab ḳhālī hai soz-e-ishq se
sham.a bhī to raat bhar jaltī hai parvāne ke saath

go shaam se sahar tak ro.e hai aur jale hai
ye sham-e-dū-ba-dū to ham se na ho sakegī

ab dil meñ terī yaad kī ik sham.a tak nahīñ
tārīk rāstoñ se guzarne lagā huuñ maiñ

din añdheroñ kī talab meñ guzrā
raat ko sham.a jalā dī ham ne

ye kah ke uTh ga.ī bālīñ se merī sham-e-sahar
tamām ho ga.ī shab aur tujhe qarār nahīñ

ilm uThā letā hai bazm-e-jāñ se sham-e-etaqād
ḳhāl-o-ḳhad kī maut hai chehre kī shān-e-ijtihād

naġhma-e-shīrīñ ke dāman meñ ho shor-e-kā.enāt
bazm-e-kāvish meñ jale sham-e-shabistān-e-hayāt