Tags-Shama

idhar to taqdīr so rahī hai udhar vo nābūd ho rahī hai
visāl kī shab ko ro jo chukiye to rone sham-e-sahar ko chaliye

ab bhī mehrāb-e-tamannā meñ kasak maazī kī
shaam hote hī koī sham.a jalā detī hai

jo sham.a huā kartī hai raushan sar-e-bāzār
us sham.a pe girtā nahīñ parvāna hamārā

kyuuñ nahīñ insāñ samajhtā uns ko rāh-e-hayāt
sham.a kī mānind is ġham meñ ghulā jaatā huuñ maiñ

ai 'shauq' mire haal pe ye ḳhuub karam hai
jab sham.a jalātā huuñ to hotī hai havā tez

sham-e-mahfil-e-yak-shab aur tūl-e-fikr itnā
kaun shaḳhs thā jis ne ārzū-e-fardā kī

ishq ko nashv-o-numā manzūr hai kab varna sabz
tuḳhm-e-ashk-e-sham.a ho ḳhākistar-e-parvāna meñ

dūd-e-dil se hai ye tārīkī mire ġham-ḳhāna meñ
sham.a hai ik sozan-e-gum-gashta is kāshāna meñ

baare ġham-e-firāq uThātā rahā huuñ maiñ
sham.a jalā jalā ke bujhātā rahā huuñ maiñ

lau us kī faqat sham-e-risālat se lagī hai
mushtāq nahīñ bazm meñ parvāna kisī kā

sham.a hogī sub.h tak baaqī na parvāne kī ḳhaak
ahl-e-mahfil kī zabāñ par dāstāñ rah jā.egī

raat us bazm meñ tasvīr ke mānind the ham
ham se pūchhe to koī sham.a kā jalnā kyā thā

raat bhar dard kī sham.a jaltī rahī
ġham kī lau thartharātī rahī raat bhar

sub.h ḳhurshīd ko dekhā havas-e-āriz meñ
shaam se raushnī-e-sham-e-shabistāñ meñ rahe

sehn-e-gulshan kī sham-e-bazm hai barq
naujavānī kī hai bahār balā

karo vo kaam jis se har kisī ko fā.eda pahuñche
bano vo sham.a jis se tīra-baḳhtī ko ziyā pahuñche

'qādrī' tez karo sham-e-yaqīñ tez karo
raat tārīk hai aatī hai balā kī aahaT

mere huzūr sham.a ne girya jo sar kiyā
royā maiñ is qadar ki mujhe aab le gayā

ro rahī hai jis tarah ye sham.a parvāne ke ba.ad
aap bhī ro.eñge mujh ko mere mar jaane ke ba.ad