Tags-Shama

mazāq-e-bazm kī islāh mumkināt se hai
faroġh-e-sham.a hī parvāna ho to kyā kahiye

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

na shabistāñ hai na ab sham-e-shabistāñ koī
ghar kā ye haal hai jaise ho bayābāñ koī

sham.a kī lau se khelte dekhe haiñ maiñ ne parvāne do
ik to maut se khel rahā hai ik kahtā hai jaane do

jal-bujhe tab khulā patañgoñ par
sham.a aur dostī zabānī thī

sub.h ko khul jā.egā donoñ meñ kyā yārāna hai
sham.a parvāna kī hai yā sham.a kā parvāna hai

hai naaf koī girdāb-e-balā aur gol surīñ rāneñ haiñ safā
hai saaq bilorīñ sham-e-ziyā paañv kī kafak phir vaisī hī

roz hotī hai havāoñ se laḌā.ī merī
roz dahlīz pe ik sham.a jalā detā huuñ

tū jo raushan mirā kāshāna banāyā hotā
muñh har ik sham.a se parvāna banāyā hotā

ab ahl-e-bazm ġham-e-tīrgī kareñ to kareñ
hamāre paas to jo sham.a thī jalālī hai

hai ḳhuub pahle se 'goyā' karūñ maiñ tark-e-suḳhan
ki ek dam meñ ye ḳhāmosh sham-e-hastī hai

ajab nahīñ dam-e-īsā se bhī jo gul ho jaate
ki sham-e-sub.h hamārā charāġh-e-hastī hai

bas ek raat kā mehmān charāġh-e-hastī hai
sirhāne ro.egī ab sham.a gor hañstī hai

Dhale jab tak na shab ham kaaḌh kar ik sham.a kī lau se
tulū-e-sub.h kā manzar na raushan-dān meñ rakh leñ?

kuchh aise terī bazm meñ baiThā huuñ akelā
jis tarah sar-e-rāh koī sham.a jale hai

mahfil meñ un kī sham.a jalī hai ki jān-o-dil
khultā hai kab ye rāz-e-nihāñ dekhte raho

mū-e-ātish meñ jal parvāna o sham.a
mohabbat se maiñ un kī had huā ḳhush

dil aur sham.a donoñ barābar haiñ soḳhta
uThtā hai kis jagah se dhuāñ dekhte raho