Tags-Shama

dekh lete haiñ andhere meñ bhī rasta apnā
sham.a ehsās ke mānind jalī rahtī hai

nuur tū mujh se farāvāñ huā mahfil mahfil
ġham nahīñ sham-e-sifat maiñ ne jalāyā ḳhud ko

kūcha-gardī meñ kaTīñ shauq kī kitnī rāteñ
phir bhī us sham-e-tamannā kā shabistāñ na milā

maiñ vo sarv-e-bāġh-e-vajūd huuñ maiñ vo gul huuñ sham-e-hayāt kā
jise fasl-e-gul kī ḳhushī nahīñ jise rañj-e-bād-e-ḳhizāñ nahīñ

jo soz-e-mohabbat se na ho sho.ala-ba-dāmāñ
vo sham.a kabhī raunaq-e-mahfil nahīñ hotī

is jagah be-rañgiyāñ bhī ālam-e-tasvīr haiñ
is jagah tārīkiyāñ bhī sham.a kī tanvīr haiñ

sahar tak sab kā hai anjām jal kar ḳhaak ho jaanā
bane mahfil meñ koī sham.a yā parvāna ho jaa.e

na sham.a-rū pe bhī duuñ jaan misl-e-parvāna
ki nām-e-ishq ko badnām kar nahīñ aatā

ġharq kar de mujh ko apnī chāhatoñ kī jhiil meñ
sham.a tū hai to miTā de apne parvāne kā naam

jal uTThe sham.a ke mānind qissa-ḳhvāñ kī zabāñ
hamārā qissa-e-pur-soz lahza bhar to kahe

tum ne jab sham.a bujhā.ī to samajh meñ aayā
ek mauhūm sā rishta thā so vo bhī ruḳhsat

gardūñ pe mah o mehr gul o sham.a zamīñ par
ik jalva-e-jānāñ hai kahīñ aur kahīñ aur

jaane kyā sūjhī mirī qabr par aa kar un se
gul chaḌhā.e na ga.e sham.a jalā.ī na ga.ī

halqa kiye baiThe raho ik sham.a ko yaaro
kuchh raushnī baaqī to hai har-chand ki kam hai

sham.a kā anjām na pūchh
parvānoñ ke saath jalī

sham.a ulfat kī bujhā duuñ ye kahāñ mumkin hai
terī yādoñ ko miTā duuñ ye kahāñ mumkin hai

ho bazm-e-tarab yā bazm-e-alam har majme.a meñ har mauqe.a par
ham sham.a ke sho.ale kī sūrat jalte bhī haiñ sar bhī dhunte haiñ

sham.a har shaam tere rone par
sub.h-dam tak charāġh hañstā hai

sham-e-bazm-e-tarab raat tanhā rahī
koī parvāna āḳhir kyuuñ aa na gayā