Tags-Shama

aaj to sham.a havāoñ se ye kahtī hai 'salām'
raat bhārī hai maiñ bīmār ko kaise chhoḌūñ

mirī lahad pe patañgoñ kā ḳhuun hotā hai
huzūr sham.a na laayā kareñ jalāne ko

sham.a ke ird-gard parvāne
haath dho.eñ na apnī jaan se aaj

tumhārī yaad baḌhī aur dil huā raushan
ye ek sham.a añdhere ne ḳhud jalā lī hai

taak ke dil se dil-e-shīsha-o-paimāna tak
ek ik buuñd meñ sau sham.a jalī hai yaaro

naqāb-e-shab meñ chhup kar kis kī yaad aa.ī samajhte haiñ
ishāre ham tire ai sham-e-tanhā.ī samajhte haiñ

aur maiñ mudda.ā-talab aish se nā-umīd ho
shola-e-sham.a kī tarah sar ko paḌā dhunā kiyā

sham.a hai sar-e-mahfil kuchh kahā nahīñ jaatā
shola-e-zabāñ le kar baat ko tarastī hai

roz-o-shab us sham.a-rū ko bhejtā huuñ ḳhatt-e-shauq
nāma-bar din ko kabūtar raat ko parvāna hai

kaun sī shab thī hijr kī 'āsif'
ki ye dil sham.a saañ jalā na kiyā

haa.e parvāne kā vo jalnā vo ronā sham.a kā
maiñ ne rokā varna kyā aañsū nikal aane meñ thā

har āshnā se us bin begāna ho rahā huuñ
majlis meñ sham.a-rū kī parvāna ho rahā huuñ

vo pahnā sham.a ne phir ḳhūn-e-āftāb kā taaj
sitāre le ke uThe nūr-e-āftāb ke jaam

na dostoñ se tavaqqo na dushmanoñ se gurez
ye dil thā gor-e-ġharībāñ sham.a jalī na jalī

sūrat-e-sham.a huā ḳhāk-e-badan jal jal kar
ham ne turbat bhī na kī ai shab-e-hijrāñ ābād

samajhte haiñ mire dil kī vo kyā nā-faham o nādāñ haiñ
huzūr-e-sham.a be-matlab nahīñ parvāna aatā hai

sham.a se hai nuur jaisā terā merā insilāk
varna tū bahtī havā hai phuul kī mahkār maiñ

aaj kī raat hai irfān-e-hijābāt kī raat
aaj har sham.a meñ tanvīr hamārī hogī

sham.a rahī shab jab tak jaltī mujh ko na aa.ī niiñd zarā
jhāñjheñ parvāne ke paroñ kī bas ki sar-e-bālīn bajīñ

maiñ vo jāñ-bāz o havāla huuñ patiñge kī tarah
sham.a-rū tere upar jaan se jal jā.ūñgā