Tags-Sher

varūd-e-sher pe hadd-e-adab ke pahre haiñ
jo sach kahoge to Thahroge ek din ġhaddār

ahd-e-pīrī hai javānī kā zamāna ho chukā
ḳhatm ab mazmūn sher-e-āshiqāna ho chukā

sunñe vaalo ġhaur na karnā varna ham ḳhud kah deñge
ham ab sher nahīñ kah sakte ye sab sher bahāne haiñ

dair-e-ḳharāb meñ kal ik mast kī zabāñ par
ye sher us jagah ke kyā hasb-e-hāl aayā

kabhī kabhī to sher bhī hone lagte haiñ
dil kī choT se ḳhush-guftārī miltī hai

tasvīr khīñchtā huuñ sarāpā-e-yār kī
haiñ ālam-e-misāl ki sher-e-misāliyā

is dil ke saare ḳhvāb mohabbat ke sab gulāb
ik sher se khile kabhī ik nazm se mile

hai mire sher meñ kuchh us kī shabāhat varna
phuul kyā chiiz haiñ kaliyoñ kī sabāhat kyā hai

ham jo paḌheñ koī sher to kahnā sher se ham ko zauq nahīñ
'mīr'-hasan ke ghar meñ kahānī jā ke paḌhānī auroñ se

ham sher kahā karte haiñ vijdān ke bal par
kuchh logoñ ko zo.am-e-fa.ilātun bhī bahut hai

sher aise kah ke bhī hāsil mirā gum-nām hai
varna merā ye hunar to qābil-e-alqāb thā

aam sā aadmī huuñ maiñ sāhib
sher hotā hai aam sā merā

hai tamannā meñ ġhārat o rusvā
sher merā, kitābcha merā

thā rū-e-zamīñ tañg zi-bas ham ne nikālī
rahne ke liye sher ke aalam meñ zamīñ aur

'saudā' sher meñ hai baḌā.ī tujh ko
tashrīf-e-suḳhan arsh se aa.ī tujh ko

har sinf-e-suḳhan ko 'pāshī'-jī ik tarz na.ī dī hai ham ne
har ik se alag har ik se judā har sher meñ aks apnā hī to hai

likkhā hai jo vasf abrū kā 'vaqār'
sher-she.arī se na le kyuuñ baaj aaj

dahr kā phailāv bhī nuqta nazar aane lage
sher kahtā hai to kah itnā magar sochā na kar

afkār tere husn kī jādūgarī sanam
har sher terī zulf kī ḳhushbū meñ Dhal gayā

is na.ī baat ko bhī 'arsh' kabhī sochā hai
āj-kal sher meñ jiddat hai to jiddat ke sivā