Tags-Sher

sher to un par likkhe lekin auroñ se mansūb kiye
un ko kyā kyā ġhussa aayā nazmoñ ke unvānoñ par

paḌhtā nahīñ hai ab koī suntā nahīñ hai ab koī
harf jagā liyā to kyā sher sunā liyā to kyā

ik baat kaheñge 'inshā'-jī tumheñ reḳhta kahte umr huī
tum ek jahāñ kā ilm paḌhe koī 'mīr' sā sher kahā tum ne

tarāsheñ pairahan ab kuchh na.ī zamīnoñ meñ
darīda sher kā pichhlā libās lagtā hai

dīvān meñ mire nahīñ bhartī ke aise sher
bharte haiñ jaise safha-e-qirtās aur log

kiyā jo yaad unheñ aa ga.e tasavvur meñ
hai sher kuchh to hameñ iḳhtiyār hone lagā

na taḳhaiyyulāt giraft-e-harf meñ aa sake
ye nuzūl-e-sher kī mushkilāt ajiib haiñ

sifat-e-lab meñ sher kahte haiñ
ab irāda hai la.al ugalne kā

sunā sher merā to jaanā hai us ne
diloñ meñ sabhī kyoñ basāte haiñ urdu

zaḳhm gahre kar rahī hai har na.e misre kī kaaT
sher kahne se bhī dil kā bojh kab halkā huā

simaTtā sher hai.at meñ
badan kī sī ye gadrāhaT

tāliyoñ se hall saarā bhar gayā
jāntā huuñ sher sachchā aur hai

ba.az auqāt agar sher na hotā mujh se
us kī āñkhoñ kā ishāra mujhe misra detā

vahī baat jo vo na kah sake mire sher-o-naġhma meñ aa ga.ī
vahī lab na maiñ jinheñ chhū sakā qadah-e-sharāb meñ Dhal ga.e

daad ḳhud deñge har ik sher pe 'ġhālib' mujh ko
'mīr'-sāhib ko bhī ustād karūñgā ik din

ab bhī kuchh log sunāte haiñ sunā.e hue sher
bāteñ ab bhī tirī zehnoñ meñ basī lagtī haiñ

ye mere sher jo har ek kī zabāñ par haiñ
maiñ apne sheroñ meñ terā kamāl rakhtī huuñ

thā jo sher-e-rāst sarv-e-bostān-e-reḳhta
ab vahī hai lāla-e-zard-e-ḳhizān-e-reḳhta

jis ko mil jaa.e ye daulat ho mubārak us ko
sher sab ke liye mansab nahīñ hotā koī

jo ki pahchān ho mirī 'āzam'
sher aisā koī huā hī nahīñ