Tags-Anjam

sham.a kā anjām na pūchh
parvānoñ ke saath jalī

rakhtā hai qadam is kūcha meñ zarre haiñ qayāmat-zā jis ke
anjām-e-vafā hai nazroñ meñ āġhāz hī se dukh sahnā hai

jo ham anjām par apnī nazar ai bāġhbāñ karte
chaman meñ aag de dete qafas ko āshiyāñ karte

ḳhud ko sameT lene kā anjām ye huā
maiñ rāste pe sañg kī sūrat paḌā rahā

aarzū koī bar na aa.egī
yahī anjām-e-ārzū hogā

maiñ ne pūchhā to hai anjām-e-vafā
ab ye Dar hai na batā de koī

tū ne kab ishq meñ achchhā burā sochā 'sarvar'
kaise mumkin hai ki terā burā anjām na ho

mahfil-e-daur-e-ġhazal sarf-e-mai-o-jām na ho
zindagī merī bhalā kaise bad-anjām na ho

tū kahāñ kī rahne vaalī hai tirā kyā naam hai
bol tū kis dil-nashīñ āġhāz kā anjām hai

ek āġhāz ubhartā hai har anjām ke ba.ad
ek anjām bhī paltā hai har āġhāz ke saath

dekhtā huuñ bikharte phūloñ ko
apnā anjām bhuul jaatā huuñ

kiyā hai dīda-e-anjām maiñ ne āgah-e-rāz
bisāt-e-dahr 'munavār' hai farsh-e-ḳhvāb mujhe

be-laus mohabbat kī nazar DhūñD rahā huuñ
anjām to zāhir hai magar DhūñD rahā huuñ

terā marnā ishq kā āġhāz thā
maut par hogā mire anjām-e-ishq

anjām-e-tūr aaj bhī apnī nazar meñ hai
ġhash khā na jaa.eñ aap kī jalvagarī se ham

qadam meñ jānib-e-manzil baḌhā.ūñ kyā ki qismat ne
jahāñ āġhāz likkhā thā vahīñ anjām likhā hai

anjām-e-vafā dekh leñ kuchh aur bhī jī ke
sunte haiñ ḳhayāl un ko hamārā bhī bahut hai

ḳhudā ab jaane kyā anjām ho is sajda-rezī kā
ghisā jaatā hai terā sañg-e-dar āhista āhista

use ḳhabar hai ki anjām-e-vasl kyā hogā
vo qurbatoñ kī tapish fāsle meñ rakhtī hai

hare-bhare insān ko kaise hijr kī aag ne zard kiyā
ab bhī ishq karegā pyāre dekh to le anjām mirā