English
Favourite
Favourite
UrduShayarUrduShayar
Expand menu
Sign inAccount

Tags-Anjam

maiñ anjām-e-haq-goī se bā ḳhabar huuñ
pata hai ki ik din mirā sar kaTegā
Ghazal
 hai qanun-e-fitrat koi kya karega
maut se pahle mirī maut ko likhne vaale
mere anjām kā āġhāz abhī baaqī hai
Ghazal
 gunjti wadi mein aawaz abhi baqi hai
tark-e-ta.alluqāt kā anjām soch kar
ham ne tamām umr tire saath kaaT dī
Ghazal
 yun zindagi ki humne siyah raat kaT di
fasāna ab koī anjām paanā chāhtā hai
ta.alluq TūTne ko ik bahāna chāhtā hai
Ghazal
 fasana ab koi anjam pana chahta hai
baḌī mushkil kahānī thī magar anjām saada hai
ki ab us shaḳhs kā ham se bichhaḌne kā irāda hai
Ghazal
 baDi mushkil kahani thi magar anjam sada hai
zindagī naam hai mohabbat kā
marg anjām hai mohabbat kā
Ghazal
 zindagi nam hai mohabbat ka
log āġhāz se karte haiñ talāsh-e-anjām
maiñ ne anjām na sochā kabhī āġhāz ke ba.ad
Ghazal
 ban gai naz mohabbat talab-e-naz ke baad
milte hī nazar dil ko milāyā nahīñ jaatā
āġhāz ko anjām banāyā nahīñ jaatā
Sher
 milte hi nazar dil ko milaya nahin jata
apnī kitāb-e-umr kā anjām likh diyā
pahle varaq pe maiñ ne tirā naam likh diyā
Ghazal
 apni kitab-e-umr ka anjam likh diya
aah! kal tak vo navāzish! aaj itnī be-ruḳhī
kuchh to nisbat chāhiye anjām ko āġhāz se
Ghazal
 kis tarah waqif hon haal-e-ashiq-e-jaan-baz se
tumhāre hijr kā anjām ḳhūbsūrat hai
bahut udaas magar shaam ḳhūbsūrat hai
Ghazal
 tumhaare hijr ka anjam KHubsurat hai
har mulāqāt kā anjām judā.ī kyuuñ hai
ab to har vaqt yahī baat satātī hai hameñ
Ghazal
 zindagi jab bhi teri bazm mein lati hai hamein
ishq kar baiThe magar ham ne ye sochā hī nahīñ
ḳhaak ho jā.eñge ham ishq ke anjām ke ba.ad
Ghazal
 dard thamta hi nahin sine mein aaram ke baad
ho na kuchh aur is āġhāz kā anjām kahīñ
sāqiyā lab se lagā de tū lab-e-jām kahīñ
Ghazal
 ho na kuchh aur is aaghaz ka anjam kahin
mavālī-e-alī kā hai ba-ḳhair anjām buujh ai 'ishq'
ḳhudā hāfiz tirā dozaḳh bhī ik shara.ī-e-dikkā hai
Ghazal
 na aaina hi us surat ke aage hakka-bakka hai
dikhā deñge 'azīz' anjām-e-duniyā
abhī to ḳhair dhokā khā rahe haiñ
Ghazal
 mere naseh mujhe samjha rahe hain
ḳhudā kare ki ḳhilāf-e-vafā na ho anjām
mujhe ḳhabar hai jis ummīd par jahāñ badlā
Ghazal
 isi chaman mein mera nazm-e-ashiyan badla
mubārak ho za.īfī ko ḳhirad kī falsafa-rānī
javānī be-niyāz-e-ibrat-e-anjām hai saaqī
Ghazal
 aqaed wahm hain mazhab KHayal-e-KHam hai saqi
un ke jalve sahar-o-shām tak aa pahuñche haiñ
mere āġhāz ab anjām tak aa pahuñche haiñ
Ghazal
 un ke jalwe sahar-o-sham tak aa pahunche hain
dāman hai agar terā mire dast-e-talab meñ
āġhāz se behtar mirā anjām rahegā
Ghazal
 jab tak mere honTon pe tera nam rahega
Top Urdushayar.com