Tags-Subah

sub.h sūraj
raat kī tīra-salāḳhoñ se nikal aayā

ik sub.h-e-zar-nigār kī ḳhātir tamām raat
ham ne ka.ī charāg jalā.e bujhā.e haiñ

sadā dī maiñ ne jab aane lagī sub.h shab-e-vaslat
samajh kar aa kidhar o tafarqe parvāz aatī hai

kisī sub.h mujh ko vajūd de mire rū-ba-rū
kisī shaam mujh se kalām kar kaf-e-kūza-gar

pau phāTnā nahīñ ye mujh sīna-chāk ke hai
har sub.h bār-e-ġham se chhātī falak kī फटनी

aaj kī sub.h kitnī halkī hai
yaad paḌtā hai raat ro.e the

shaam kā tārā, sub.h kā pahlā taarā Thahregā
hajla-e-vasl meñ raat rahegī, baat saveroñ se

fāriġh mujhe na jaan ki mānind-e-sub.h-o-mehr
hai dāġh-e-ishq zīnat-e-jeb-e-kafan hunūz

bañdhe haiñ shaam sutūnoñ se sub.h ke taare
jamāl-e-yār kisī naqsh-e-motabar se nikal

bahut dilchasp hai 'sīmāb' shām-e-vādī-e-ġhurbat
vatan kī sub.h meñ kuchh aur thiiñ rañgīniyāñ phir bhī

shafaq-e-sub.h-e-shahādat se hai tābinda jabīñ
varna ālūda-e-ḳhūñ thā ufuq-e-dār kā rañg

kāTte haiñ raat jaane kis tarah
sub.h-dam ghar se nikal aate haiñ ham

huī sub.h jaam khanak uThe huī shaam naġhme bikhar ga.e
vo hasīn din bhī the kis qadar jo tumhāre saath guzar ga.e

raat kī raat bahut dekh lī duniyā terī
sub.h hone ko hai ab 'tarz' ko so jaane de

tārīk shab ne saare sitāre bujhā diye
maiñ sub.h kā charāġh thā jalnā paḌā mujhe

giit gaate haiñ parinde sub.h o shaam
yā samā.at chahchahā jaatī hai roz

shab ko 'bebāk' kah rahā huuñ ġhazal
taaki maiñ sub.h-āshnā bhī rahūñ

sub.h-e-ishrat ko shab-e-ġham ke tanāzur meñ na dekh
vo qayāmat dūsrī thī ye qayāmat aur hai

maiñ terī ruuh kī pattī kī tarah kaañp gayā
havā-e-sub.h-e-subuk-gām ko patā hī nahīñ

ā.īna sub.h-e-shab-e-vasl jo dekhā to kahā
dekh zālim ye thī shaam ko sūrat merī