Tags-Subah

sub.h se ab tak rahā maiñ saath us ke lekin ab
shaam ke jañgal meñ gum hotā huā kahiye mujhe

añdhere se
kashīd-e-sub.h kī

javānī se ziyāda vaqt-e-pīrī josh hotā hai
bhaḌaktā hai charāġh-e-sub.h jab ḳhāmosh hotā hai

us kī shām-e-ġham pe sadqe ho mirī sub.h-e-hayāt
jis ke mātam meñ tirī zulfeñ pareshāñ ho ga.iiñ

rañg apnī chhatrī kā dhuup ne miTā Daalā
sub.h hone se pahle phir ḳhizāb karnā hai

bhaḌak rahā hai abhī tak charāġh āḳhir-e-shab
use bhī sub.h kā armāñ hai dekhiye kyā ho

itnī masrūf hai hañgāma-e-be-masraf meñ
sub.h se pahle nahīñ raat ye sone vaalī

sub.h ke saath huī ḳhatm mirī raat kī gasht
rah ga.ī ek galī shahr ke kone vaalī

kāġhaz-e-be-rañg meñ sard-havas-jañg meñ
sub.h se masrūf log apnī chādar meñ band

sub.h ko aa.e ho nikle shaam ke
jaao bhī ab tum mire kis kaam ke

bujhī jo sub.h to sīnoñ meñ dil jalā.e ga.e
huī jo shaam to raushan hue subū ke charāġh

pate kī ik na kahī sub.h ke ujāloñ meñ
ye aur baat ki azbar hadīs-e-shab thī mujhe

aarzū hī na rahī sub.h-e-vatan kī mujh ko
shām-e-ġhurbat hai ajab vaqt suhānā terā

ḳhabar kise sub.h-o-shām kī hai ta.a.īnāt aur quyūd kaise
namāz kis kī vahāñ kisī ko ḳhayāl tak bhī nahīñ vuzū kā

sub.h bhī hotī rahī mahtāb bhī Dhaltā rahā
zindagī kā kārvāñ chaltā rahā chaltā rahā

sub.h ke bhūle to aa.e shaam ko
dekhiye kab aa.eñ bhūle shaam ke

ḳhudā gar ḳhāna sāmān-e-qazā kartā ye 'uzlat' ko
to parvānoñ kī raakh ai sham.a sub.h-e-āsmāñ kartā

tā-sub.h shaam se rahe majlis meñ daur-e-jām
saaqī hameñ jagā.e to bā-kaifiyat jagā

sub.h-zau roz pūchhtī hai mujhe
kis tarah shab guzār dī maiñ ne

jalva-e-shām hai ye sub.h kā manzar to nahīñ
chāñd kaisā bhī ho sūraj ke barābar to nahīñ