English
Favourite
Favourite
UrduShayarUrduShayar
Expand menu
Sign inAccount

Tags-Subah

be-ravī o zulf-e-yār hai rone se kaam yaañ
dāman hai muñh pe abr-e-namat sub.h-o-shām yaañ
Ghazal
 be-rawi o zulf-e-yar hai rone se kaam yan
numūd-e-sub.h huī aur ujaḌ ga.ī mahfil
mai-e-shabāna kahāñ ab vo mai-gusār kahāñ
Ghazal
 hawa chaman ki bhala hum ko sazgar kahan
aur to koī bas na chalegā hijr ke dard ke māroñ kā
sub.h kā honā dūbhar kar deñ rasta rok sitāroñ kā
Ghazal
 aur to koi bas na chalega hijr ke dard ke maron ka
ho hī rahtā hai kisī but kā nazāra tā-shām
sub.h ko uTh ke jo ham nām-e-ḳhudā lete haiñ
Ghazal
 dil juda mal juda jaan juda lete hain
mah ne aa sāmne shab yaad dilāyā thā use
phir vo tā sub.h mire jī se bhulāyā na gayā
Ghazal
 jite-ji kucha-e-dildar se jaya na gaya
raat kī baat rahe parda-e-tārīkī meñ
shaam kā bhūlā agar sub.h ko ghar aa jaa.e
Ghazal
 muskura den to koi KHair-KHabar aa jae
hāthoñ kā imtihān liyā saarī saarī raat
sāñche meñ sub.h-o-shām ke Dhālī hai raushnī
Ghazal
 aankhon se yun charaghon mein Dali hai raushni
par gayā sub.h se vo ghar to yahī dhaḌkā hai
dekheñ aaj us kā evaz le shab-e-tanhā.ī kyā
Ghazal
 kaun dekhega bhala isMein hai ruswai kya
vasl se guzre ai ḳhudā haañ ye shugūn chāhiye
sub.h ko ham uThā kareñ rū-e-nigār dekh kar
Ghazal
 ruh ko aaj naz hai apna waqar dekh kar
kyā qayāmat hai ki 'ḳhātir' kushta-e-shab the bhī ham
sub.h bhī aa.ī to mujrim ham hī gardāne ga.e
Ghazal
 go zara si baat par barson ke yarane gae
ye khulā jism khule baal ye halke malbūs
tum na.ī sub.h kā āġhāz karoge shāyad
Sher
 ye khula jism khule baal ye halke malbus
numāyāñ huī sub.h-e-pīrī 'jigar'
bas ab dāstāñ muḳhtasar ho ga.ī
Ghazal
 shab-e-wasl kya muKHtasar ho gai
shahroñ meñ hañstī kheltī chaltī rahī magar
jañgal meñ bād-e-sub.h ke tevar badal ga.e
Ghazal
 chehre makan rah ke patthar badal gae
numūd-e-sub.h ko kaise kare jahāñ taslīm
koī kiran ho kahīñ naam ko ujālā ho
Ghazal
 lagaen aag hi dil mein ki kuchh ujala ho
dil pe kyā jaane guzar jaatī hai kyā pichhle-pahar
os Tapkī to kahīñ sub.h kā taara niklā
Ghazal
 sang-e-tiflan ka hadaf jism hamara nikla
chaman vāloñ se jā kar ai nasīm-e-sub.h kah denā
asīrān-e-qafas ke aaj par kaTvā.e jaate haiñ
Ghazal
 tujhe kya naseha ahbab KHud samjhae jate hain
nahīñ aatā jo vo ḳhurshed mire ghar meñ na aa.e
sub.h ho jā.egī āḳhir shab-e-tār aap se aap
Ghazal
 mujhse ab saf bhi ho ja yunhi yar aap se aap
chal paḌe sub.h-e-azal 'shāz' ishāre pe tire
ham ne sochā hī nahīñ raḳht-e-safar kyā kuchh hai
Ghazal
 jis se bezar rahe the wahi dar kya kuchh hai
raat ke dar pe ye dastak ye musalsal dastak
āmad-e-sub.h-e-farozāñ kā patā detī hai
Ghazal
 raat ke dar pe ye dastak ye musalsal dastak
tulū-e-shām bhī mujh ko naved-e-sub.h-e-fardā hai
kahīñ chamke hilāl-e-abrū-e-ḳham-dār kā halqa
Ghazal
 khuli jab aankh to dekha ki tha bazar ka halqa
Top Urdushayar.com