Tags-Subah

tirī sub.h-e-aish hai kyā balā tujhe ai falak jo ho hausla
kabhī kar le aa ke muqābla ġham-e-hijr-e-yār kī shaam se

ab to firāq-e-sub.h meñ bujhne lagī hayāt
bār-e-ilāh kitne pahar rah ga.ī hai raat

mujhe har sub.h yaad aatī hai bachpan kī vo āvāz
chalo 'irfān' uTh jaao saverā ho gayā hai

itne bhī na ham ḳharāb hote rahte
kaahe ko ġham-o-alam se rote rahte

raat bhar kī haiñ bahāreñ sham.a kyā parvāna kyā
sub.h hote hote ruḳhsat kārvāñ ho jā.egā

joñ sub.h is chaman meñ na ham khul ke hañs sake
fursat rahī jo 'mīr' bhī so yak-nafas rahī

shauq-e-gul sūrat-e-bulbul ḳhatar-e-gulchīñ hai
sub.h-dam baaġh meñ jaatā huuñ sabā se pahle

qāfile meñ sub.h ke ik shor hai
ya.anī ġhāfil ham chale sotā hai kyā

dil meñ vo kasak chhoḌ gayā sub.h kā taarā
ik lamha bhī ārām na aayā mujhe din-bhar

naved-e-sub.h jo sab ko sunātā phirtā thā
vo mujh se pūchh rahā thā ki raat biit ga.ī

lahū se maiñ ne likhā thā jo kuchh dīvār-e-zindāñ par
vo bijlī ban ke chamkā dāman-e-sub.h-e-gulistāñ par

sub.h-e-ka.aba shām-e-but-ḳhāna kī hai mujh ko talāsh
DhūñDhtī hai sub.h-e-ka.aba shām-e-but-ḳhāna mujhe

kaTtī hai shab visāl kī palkeñ jhapakte hī
jis kī sub.h na ho kabhī vo raat bhī to ho

hañsī se ġhuncha kā dil sub.h toḌe hai 'uzlat'
tū Dar jo tujh se koī hove ḳhanda-rū gustāḳh

sub.h tak raat kī zanjīr pighal jā.egī
log pāgal haiñ sitāroñ se ulajhnā kaisā

ye ruup to sūraj ko bhī hāsil nahīñ hotā
kuchh der rahe sub.h ke taare kī tarah ham

dam-e-sub.h taare se sūraj nishāñ
unheñ barg-e-gul kī amārī lage

thī jo ik fāḳhta udaas udaas
sub.h vo shāḳh se uḌī hī nahīñ

kuchh is qadar thā añdherā ki sub.h kā sūraj
hamāre kūcha-o-bāzār DhūñDne niklā

tab kahā maiñ ne ki sun lo sher meñ kyā sharm hai
sub.h ke do shaam ke do din ke do aur shab ke do