Collections

Lab Shayari

Motivational Ghazals

Best Khamoshi Shayari

More Collections

Tags-Subah

jis sub.h ke jilau meñ shaboñ kā hujūm ho
kirnoñ ko aise dām-e-sahar se nikālnā

aansu ko apne dida-e-tar se nikalna

shab ko yalġhār-e-tafakkur se jo bach niklūñ maiñ
sub.h-dam taaza ḳhayālāt ke lashkar aa jaa.eñ

ghar ki jab yaad sada de to palaT kar aa jaen

ham in dinoñ meñ lag nahīñ paḌte haiñ sub.h-o-shām
varna duā kareñ to jo chāheñ husūl ho

KHat likh ke koi sada na usko malul ho

tilism-e-gumbad-e-gardūñ ko toḌ sakte haiñ
zujāj kī ye imārat hai sañg-e-ḳhāra nahīñ

الہي عقل خجستہ پے کو ذرا سی ديوانگی سکھا دے

kabhī to shām-e-musībat kī sub.h aa.egī
agar ye gardish-e-lail-o-nahār baaqī hai

hanuz dard-e-judai-e-yar baqi hai

husn kī taskīn ishq kī Dhāras
vaah re apnī sub.h-e-banaras

pyara hindostan

raat kī naarī Duub ga.ī hai
sub.h kī devī jaag chukī hai

pyara hindostan

gor kis diljale kī hai ye falak
shola ik sub.h yaañ se uThtā hai

dekh to dil ki jaan se uThta hai

ubalte dekhī hai sūraj se maiñ ne tārīkī
na raas aa.egī ye sub.h-e-zar-nigār mujhe

teri sada ka hai sadiyon se intizar mujhe

tujh se raunaq-āshnā hai sub.h-e-shauq
tujh se zīnat-āfrīñ hai shām-e-ishq

shauq deta hai mujhe paigham-e-ishq

jaane kyā rañg chaman kā hai dam-e-sub.h-e-firāq
gul khile haiñ ki nahīñ bād-e-sabā hai ki nahīñ

KHana-e-dil ki tarah sari faza hai ki nahin

tū jis kī raah meñ royā hai umr bhar 'nāsik'
vo sub.h raakh huī apnī jholī bhar le jā

mujhe sambhaal mera hath tham kar le ja

sub.h hote hī badal jā.egī aañkh
raat bhar un kī ināyat aur hai

wasl mein aapas ki hujjat aur hai

sub.h kī tarah vo be-rañg hai ab
'shām' kī tarah jise chāhā thā

kitni shiddat se tujhe chaha tha

yuuñ husn ke chehre par aa.ī nahīñ barnā.ī
sau shaam ke pardoñ meñ ik sub.h chhanī pahle

ye nazm-e-gurezan hai barham-zadani pahle

shab-e-tārīk chup thī dar-o-dīvār chup the
numūd-e-sub.h-e-nau ke sabhī āsār chup the

shab-e-tarik chup thi dar-o-diwar chup the

ḳhūbsūrat dikhā.ī detī hai
gar yahī raat sub.h ko dekho

yar ye ittifaq to dekho

shaam to shaam thī ab sub.h kā manzar dekho
kis kī maiñ hajv kahūñ kis kā qasīda likkhūñ

apni rudad kahun ya gham-e-duniya likkhun

ḳhair dhuñdlā.ī sī thī raushnī-e-shām-e-ḳhizāñ
bāġhbāñ vo bhī to is sub.h-e-bahārāñ meñ nahīñ

kohsaron mein nahin hai ki bayaban mein nahin

dopahar maidān garmī habs abr-e-be-matā
sar-nigūñ hai ḳhār-o-ḳhas par ik gul-e-fīroza-fām

Ehasan Danish Ka Taarruf