Tags-Subah

sadā-e-sub.h-e-bashārat ḳhabar sunā.egī
sulag rahā hai jo siina vo jalne vaalā hai

sub.h ye fikr ki ho jaa.e shaam
shaam ko ye ki sahar ho jaa.e

vo sub.h-e-īd kā manzar tire tasavvur meñ
vo dil meñ aa ke adā tere muskurāne kī

use bachā liyā āvargān-e-shām ne aaj
vagarna sub.h kā bhūlā to ghar chalā jaatā

dekhte dekhte hī maañd paḌe shams-o-qamar
ḳhud se bezār hue sub.h-o-masā mere ba.ad

us masīhā kī umīd-e-vasl meñ
shaam jiitā sub.h mar jaatā rahā

āñkhoñ meñ ruup sub.h kī pahlī kiran sā hai
ahvāl jī kā zulf-e-shikan-dar-shikan sā hai

kamāl-e-sub.h ke badle hayāt mumkin hai
ye baat sher kī sūrat ayaañ hai koī sune

shahr-e-dil meñ raat koī saudā-gar ban kar aayā thā
naqd-e-dil-o-jāñ sauñp ke us ko sub.h bahut pachhtā.e ham

sub.h kā ḳhvāb magar ḳhvāb ajab jāñ-levā
mere pahlū meñ sisaktī huī martī huī shaam

thak ke baiThī hai kahīñ duur musāfir kī tarah
mere ḳhvāboñ se mirī sub.h-e-chaman āḳhir-e-shab

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

raat kī raat chaman meñ hai numūd-e-shabnam
sub.h hote hī bikhar jā.eñge sab daane se

maut ne raat ke parde meñ kiyā kaisā vaar
raushani-e-sub.h vatan kī hai ki mātam kā ġhubār

jo zulfeñ mukhḌe pe khol detā sanam hamārā to phir ye gardūñ
na din dikhātā na shab batātā na sub.h laatā na shaam kartā

namāz-e-shab kā sajda huuñ 'tasavvur'
azān-e-sub.h kī takbīr huuñ maiñ

kal sub.h tak thiiñ aap kī āñkheñ jhukī huiiñ
sach kahiye kis ke haath se pī thī sharāb-e-shab

kisī ne maarā hai shab-ḳhūn aisā raahī par
ki ab vo sub.h talak tan meñ jaañ na rakkheñge

'naved'-e-sub.h kā hāsil hai sūraj
ujālā hogā tāroñ ko miTā kar

shuā-e-sub.h bun-e-gosh meñ utartī hai
zavāl-e-mehr ki dast-e-hinā pe Thahrā hai