Tags-Subah

vo jo aa.e to aa.e sub.h-e-bahār
ghup añdherā hai baaġh meñ dil ke

maiñ azal se sub.h-e-mahshar tak farozāñ hī rahā
husn samjhā thā charāġh-e-kushta-e-mahfil mujhe

dhaḌak rahā hai sar-e-shām hī se dil kam-baḳht
visāl-e-yār kī sub.h aa ga.ī to kyā hogā

sub.h-dam jab gosha gosha matla-e-anvār thā
zarra zarra ālam-e-nairañg kā sarshār thā

zulmat-e-shām-e-avadh sub.h-e-banaras kā nikhār
aagre ke taaj kī azmat himāla kā vaqār

bhare shahr meñ ek hī chehra thā jise aaj bhī galiyāñ DhūñDtī haiñ
kisī sub.h usī kī dhuup khilī kisī raat vahī mahtāb huā

raat kī talchhateñ haiñ añdherā bhī hai
sub.h kā kuchh ujālā bhī hai

sub.h-dam ek dīvār-e-ġham ban ga.e
ḳhār-zār-e-alam ban ga.e

mom kī tarah jalte rahe ham shahīdoñ ke tan
rāt-bhar jhilmilātī rahī sham-e-sub.h-e-vatan

maiñ ki ek mehnat-kash maiñ ki tīrgī-dushman
sub.h-e-nau ibārat hai mere muskurāne se

paanī kī tarah phail ga.ī ghar meñ shām-e-hijr
tā-sub.h Duub Duub ke ubhrā kare koī

tire sulūk kā ġham sub.h-o-shām kyā karte
zarā sī baat pe jiinā harām kyā karte

saarī saarī raat jale haiñ jo apnī tanhā.ī meñ
un kī aag se sub.h kā sūraj apnā diyā jalātā hai

udāsī chhā ga.ī chehre pe sham-e-mahfil ke
nasīm-e-sub.h se shole bhaḌak uThe dil ke

har sub.h nikalnā kisī dīvār-e-tarab se
har shaam kisī manzil-e-ġhamnāk pe honā

kahtī hai namāz-e-sub.h kī baañg
uTh sub.h huī hai kuchh duā maañg

ubhar rahe haiñ fazāoñ meñ sub.h ke āsār
ye aur baat mire dil kā Dūbnā na gayā

nabz bhī chaltī huī dil bhī dhaḌaktā huā
ārzū-e-sub.h-o-shām dekhiye kab tak rahe

na.ī sub.h par nazar hai magar aah ye bhī Dar hai
ye sahar bhī rafta rafta kahīñ shaam tak na pahuñche

karte jo mujhe yaad shab-e-vasl adū tum
kyā sub.h ki ḳhurshed na tā-shām nikaltā