Tags-Subah

ham-nashīñ raat hai to raat bhī Dhal jā.egī
sub.h-dam sūrat-e-hālāt badal jā.egī

āsūdgān-e-ḳhāk ko phir dar-ba-dar kiyā
zauq-e-numūd-e-sub.h meñ barg-o-shajar kiyā

vo jo niklā sub.h jaise āftāb
rashk se gul phuul murjhā.e bahut

shab kī shab bazm-e-tarab hai parda-dār-e-inqilāb
sub.h tak ā.īna-e-ibrat-numā ho jā.egī

misāl-e-sub.h-e-bahār tū hai to maiñ huuñ shām-e-ḳhizāñ kī sūrat
chaman chaman ḳhār-o-ḳhas se mere faroġh hai tere rañg-o-bū kā

sub.h-e-nauroz bhī dilkash hai 'urūj'
is qadar rañj na kar ḳhvāboñ kā

na shauq-e-nazzāra mujh se pūchho ye kah ke sotā huuñ roz shab ko
uThūñ jo maiñ sub.h ko ilāhī to muñh dikhānā kisī hasīñ kā

sub.h tak sahmī rahīñ āñkheñ mirī
ḳhvāb kaisī raah se guzrā hai tū

ye sub.h-o-shām pe phailā huā mirā honā
ye mere aaj meñ kal Dālne pe rahtā hai

hai 'valī' kī zabāñ ko lazzat-baḳhsh
zikr har sub.h-o-shām tujh lab kā

kaTtī hai shab visāl kī palkeñ jhapakte hī
jis kī sub.h na ho kabhī vo raat bhī to ho

har sub.h apne ghar meñ usī vaqt jāgnā
āzād log bhī to giraftār se rahe

abhī to shab hai aao pyaar kī bāteñ kareñ ham tum
abhī se kyuuñ ye socheñ sub.h kā paiġhām kyā hogā

lipaT lipaT ke maiñ us gul ke saath sotā thā
raqīb sub.h ko muñh āñsuoñ se dhotā thā

vo vaqt-e-sub.h ruḳhsat ho rahe haiñ
yahī hai shām-e-ġham kī ibtidā kyā

abhī to nisf shab hai intizār-e-sub.h-e-nau kaisā
dil-e-bedār ham kuchh der so lete to achchhā thā

sub.h huī to sab se pahle
maiñ ne terā muñh dekhā thā

har sub.h-e-alam shām-e-sitam kā hai tasalsul
kyā dil pe guzartī hai batā.ī nahīñ jaatī

in āñkhoñ ne ye an-honī bhī dekhī
nasīm-e-sub.h guzrī gul masal ke

jaise vo thā hī nahīñ merā ḳhumār
jaise vo thā hī nahīñ sub.h kā nuur