Tags-Subah

shab tārīk firozāñ tirī ḳhushbū se huī
sub.h kā rañg huā aur bhī gahrā tujh se

malā hai dam-e-sub.h-e-shabnam ne ġhāza
ye kyuuñ rū-e-gul par nikhār aa gayā hai

yuuñ mehr se farmāyā us maah ne vaqt-e-sub.h
ham jaane haiñ ab terā 'bedār' ḳhudā-hāfiz

gul-būToñ ke rañg aur naqshe ab to yūñhī miT jā.eñge
ham ki faroġh-e-sub.h-e-chaman the pāband-e-fitrāk hue

nasīm-e-sub.h guloñ ko gudāz detī rahī
magar diloñ kī fazā ko udaas chhoḌ ga.ī

tū kisī sub.h sī āñgan meñ utar aatī hai
maiñ kisī dhuup sā dālān meñ aa jaatā huuñ

nā-murād dil kaise sub.h-o-shām karte haiñ kaise zinda rahte haiñ aur kaise marte haiñ
tum ko kab nazar aa.ī ġham-zadoñ kī tanhā.ī ziist be-amāñ kyā hai tum na jaan pāoge

raat bhar duniyā rahī hai tīrgī ke sehr meñ
sub.h kī pahlī kiran āñkhoñ meñ bīnā.ī huī

tab karāñ tā-ba-karāñ sub.h kī aahaT gūñjī
āftāb ek dhamāke se ufuq par aayā

nahīñ haiñ ham to chamaktā hai subah kā taarā
ye raat vo thī jo bīmār-e-ġham pe bhārī thī

milī hai dekhiye ye sub.h-e-hashr se jā kar
lahad kī raat na thī shām-e-ġham hamārī thī

joñ sub.h ab kahāñ hai tūl-e-suḳhan kī fursat
qissa hī koī dam ko hai muḳhtasar hamārā

ye mirī raat bhī ummīd lagā.e hue hai
us ke dāman se koī sub.h lagā.e jaao

dil se uThtā hai sub.h-o-shām dhuāñ
koī rahtā hai is makāñ meñ abhī

ab un ke saare safar meñ sub.h-e-yaqīn koī
na shām-e-sad-e'tibār koī

sub.h aatī hai to aḳhbār se lag jaate haiñ
shaam jo Dhaltī hai bāzār se lag jaate haiñ

dekhnā hai dekh lo uThtī huī mahfil kā rañg
subah ke bujhte charāġhoñ kā sambhālā ham bhī haiñ

zindagī hañstī hai sub.h-o-shām tere shahr meñ
aam hai daur-e-mai-e-gulfām tere shahr meñ

ham junūn-e-ishq ke bā-vasf bhī hoshyār haiñ
sub.h tere shahr meñ haiñ shaam tere shahr meñ

ik ik buuñd jalī hai lahū kī tab jā kar ye raat kaTī
tere liye ai sub.h-e-tarab ham kab se chāk-garebāñ haiñ