Tags-Subah

ḳhayāl-e-āriz-e-raushan meñ sub.h-o-shām yaksāñ hai
yahāñ āThoñ-pahar pesh-e-nazar hai nuur kā taḌkā

muhīt-e-ḳhvāb se ik bād-e-tah-nashīñ ubhrī
havā-e-sub.h se ik ġhurfa-e-ḳhayāl khulā

nasīm-e-sub.h se shāḳheñ milīñ to maiñ samjhā
ki husn-e-ālam tiflī meñ nīm-ḳhvāb uThā

kitnī tavīl kyuuñ na ho bātil kī zindagī
har raat kā hai sub.h muqaddar na bhūlnā

guzārtā huuñ jo shab ishq-e-be-ma.āsh ke saath
to sub.h ashk mire nāshte pe girte haiñ

sub.h hai banaras kī
shām-e-lucknow hai tū

sub.h-e-justujū hai tū
shām-e-ārzū hai tū

na ho mizāj meñ aisī bhī dūr-andeshī
ki sub.h se koī nikle charāġh-e-shām liye

yuuñ to hijr kī rāteñ roz hī guzartī haiñ
aaj ai 'sabā' lekin sub.h se udāsī hai

'madnī' qafas meñ sub.h huī aur us ke ba.ad
dil se dhuāñ bhī hasrat-e-parvāz se uThā

na koī thā makīñ na koī thā makāñ na koī thī zamīñ na koī thā zamāñ
na koī sharq thā na koī ġharb thā na dam-e-sub.h thā na sar-e-shām thā

hashr kī sub.h tak to jāgūñgā
raat kā āḳhirī diyā huuñ maiñ

charāġh-e-sub.h jalā koī nā-shanāsī meñ
ik aur din kā izāfa huā udāsī meñ

kiran kiran tirā chehra zamīñ meñ utrā hai
ki aisī sub.h huī hai ka.ī dinoñ ke ba.ad

rāt-bhar sub.h kī ummīd pe zinda thā marīz
sub.h hote hī use āḳhirī hichkī aa.ī

qahqaha shab ne lagāyā hai baḌe tanz ke saath
sub.h jab apnī rihā.ī pe bhī rotī aa.ī

sadā chaman se jo aatī hai roz chaT chaT kī
balā.eñ ġhunche tirī sub.h o shaam lete haiñ

ye bhī mumkin hai ki fazā palaT na sake
sub.h jo hotī dikhtī hai kabhī bhī ho na sake

sub.h hone meñ vaqt hai yā sirf aisā lagtā hai
dard siine meñ uTh uTh ke nākāmiyoñ ko rotā hai