Tags-Tamanna

ye iltijā duā ye tamannā fuzūl hai
sūkhī nadī ke paas samundar na jā.egā

ātish-e-mū-e-dimāġh-e-shauq hai terā tapāk
varna ham kis ke haiñ ai dāġh-e-tamannā āshnā

phūloñ kā dil kalī kī tamannā mirī duā
kaam aa.e rañg ban ke tumhāre jamāl meñ

ai jān-e-mudda.ā mirī jannat mirī hayāt
terā ḳhayāl terī tamannā mirī namāz

ye uljhan to bas uljhan hai kuchh paanā hai kuchh khonā hai
sāhil kī tamannā karte hue maujoñ kī ravānī kaise likhūñ

jab tamannā aur Dar jaatā rahā
to har ik shai se mubarrā ho gayā

kaisī āzādī asīrī chiiz kyā
jab fanā rañg-e-tamannā ho gayā

jab kyā tark-e-tamannā kā irāda ham ne
sāmne kitne hī TuuTe hue pindār aa.e

jin ke dāman meñ tamannā ko sukūñ miltā hai
un kī nazroñ se mohabbat kā talabgār na ban

dil ko takmīl-e-tamannā kā ishāra de kar
mujh se tū merī tamannā kā ḳharīdār na ban

sarfaroshī kī tamannā ab hamāre dil meñ hai
dekhnā hai zor kitnā bāzu-e-qātil meñ hai

ye tamannā hai ki uḌtī huī manzil kā ġhubār
sub.h ke parde meñ yaad aa ga.ī shaam āhista

ye naunihāl-e-bāġh-e-tamannā ke phuul haiñ
āġhosh-e-dil meñ in ko zarā naaz se uThā

nigah-e-shauq-o-tamannā kī vo dilkash thī kamand
jis se ho jaate the raam āhū-e-sahrā.ī bhī

merī jānib se koī jā ke kahe majnūñ se
ḳhāk-e-sahrā-e-tamannā na uḌā mere ba.ad

kabhī dard kī tamannā kabhī koshish-e-mudāvā
kabhī bijliyoñ kī ḳhvāhish kabhī fikr-e-āshiyāna

tamannā hai kisī kī teġh ho aur apnī gardan ho
phir us ke ba.ad yārab sar kaTe naale meñ madfan ho

maiñ jab niklā tamannā ke safar par
mire raste meñ ik sahrā paḌā thā

afsūn-e-tamannā se bedār huī āḳhir
kuchh husn meñ be-tābī kuchh ishq meñ zebā.ī

tujh se kis tarah maiñ iz.hār-e-tamannā kartā
lafz sūjhā to ma.ānī ne baġhāvat kar dī