Tags-Tamanna

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

kaun tā-sub.h jalā.egā tamannā ke charāġh
shaam se TuuT ga.ī aas to phir kyā hogā

aa ke pahlū meñ mire baiTh maiñ ho jā.ūñ nisār
hai tamannā to yahī hai yahī hasrat merī

laakh ma.ayūb na ho phir bhī nahīñ mustahsan
hazrat-e-dost meñ iz.hār-e-tamannā karnā

mire lab pe aa.ī tamannā to bole
haTo chhoḌ jaao ḳhafā ho ga.e ham

phir huī us kī tamannā paidā
phir kahā dal ne na maanā apnā

kar to luuñ tark-e-tamannā kā irāda lekin
qahr ye hai vo fusūñ-gar sitam-ārā bhī nahīñ

hazār abr mohabbat yahāñ baras bhī chuke
bas ek shāḳh-e-tamannā nahīñ harī huī hai

masarrat zindagī kā dūsrā naam
masarrat kī tamannā mustaqil ġham

maujūd huuñ bisāt-e-tamannā ke dasht meñ
pahlū meñ ābrū-e-hazīmat nahīñ rahī

jo sabz-bāġh-e-tamannā pe pher de paanī
ḳhudā bachā.e ham aisī nazar se dar-guzre

vo gul jān-e-bahār-e-ārzū hai log kahte haiñ
use shāḳh-e-tamannā par sajā kar dekh letā huuñ

kalī bhī dil meñ mohabbat kī ik hañsī thī magar
kabhī vo bāġh-e-tamannā meñ to khilī hī nahīñ

ye iltijā duā ye tamannā fuzūl hai
sūkhī nadī ke paas samundar na jā.egā

karūñ maiñ ḳhūn-e-tamannā kā kis liye mātam
mire liye ye musībat koī na.ī bhī nahīñ

har haal meñ ik shorīdgī-e-afsūn-e-tamannā baaqī hai
ḳhvāboñ ke bhañvar meñ bah kar bhī ḳhvāboñ ke ghaaT utarnā hai

ik kushta-e-firaq kī turbat pe nauhagar
dāġh-e-jigar meñ sham-e-tamannā liye hue

siina hai ek yaas kā sahrā liye hue
dil rañg-e-gulsitān-e-tamannā liye hue

ab bhī mehrāb-e-tamannā meñ kasak maazī kī
shaam hote hī koī sham.a jalā detī hai

ai merī tamannā ke sitāre tū kahāñ hai
tū aa.e to ye jism shab-e-ġham ko na sauñpūñ