Tags-Tamanna

miTtā hai kabhī dil se naqsh us kī mohabbat kā
nākām tamannā bhī majbūr tamannā hai

pahle to tamannā thī tirī sirf magar ab
āñkhoñ meñ nazar aane lagī merī thakan bhī

jaane kis sub.h kī tamannā meñ
rāt-bhar sham.a saañ jalā hai koī

hashr ke roz bhī kyā ḳhūn-e-tamannā hogā
sāmne ā.eñge yā aaj bhī pardā hogā

tum sā lākhoñ meñ na thā jān-e-tamannā lekin
ham sā mahrūm-e-tamannā bhī hazāroñ meñ na thā

ajiib baat girebāñ pe haath un kā hai
jo tosha-gīr-e-tamannā the harf-e-ġhairat ke

hāsil-e-zīst vahī merī tamannā hai vahī
vo kisī roz muqaddar kā samar ho jaa.e

zindagī terī tamannā meñ basar ho jaa.e
aur kyā chāhiye jo bār-e-digar ho jaa.e

sukūt-e-dasht-e-tamannā hai us ko jā-e-panāh
navāh-e-āriz-o-gesū meñ be-nishān sā hai

mauj-e-sahbā meñ tamannā ke safīne kho kar
naġhma o raqs kī mahfil se jo ghabrā ke uThā

dil meñ 'kausar' aa.e kitne daur taġhayyur ke lekin
naqsh-e-tamannā par jab dekho aalam hai barnā.ī kā

un ke pīchhe na chalo un kī tamannā na karo
saa.e phir saa.e haiñ kuchh der meñ Dhal jā.eñge

faisla bichhaḌne kā kar liyā hai jab tum ne
phir mirī tamannā kyā phir mirī ijāzat kyuuñ

agar ujāloñ kī hai tamannā na bujhne paa.e charāġh dil kā
ki dil meñ jab raushnī na hogī to har taraf tīrgī milegī

maiñ apne-āp meñ sarsabz phir bhī rahtā huuñ
agarche kisht-e-tamannā hai be-giyāh mirī

jahāñ vo bāġh-e-tamannā hai jis ke biich 'nazīr'
jo ik shajar hai to us ko bhī hai samar kī talab

kamāl-e-ishq bhī ḳhālī nahīñ tamannā se
jo hai ik aah to us ko bhī hai asar kī talab

vaqt se aage nikalne kī tamannā hai mujhe
tez to paañv kī raftār nahīñ kar saktā

ab dil kī tamannā hai to ai kaash yahī ho
aañsū kī jagah aañkh se hasrat nikal aa.e

nigāheñ muntazir haiñ ek ḳhurshīd-e-tamannā kī
abhī tak jitne mehr-o-māh aa.e nā-tamām aa.e