Tags-Tanhai

mehrbāñ koī sharīk-e-qaid-e-tanhā.ī na thā
apne zaanū par hī apnā sar nazar aayā mujhe

phir lauT ke aayā huuñ tanhā.ī ke jañgal meñ
ik shahar-e-tasavvur hai ehsās ke har-pal meñ

mire maulā mirī tanhā.ī miTāne ke liye
mere jaisā hī tū ik aur banā saktā hai

āñgan meñ terī yaad kā jhoñkā jo aa gayā
tanhā.ī ke daraḳht se patte uḌā gayā

ġham bhī hai udāsī bhī tanhā.ī bhī aañsū bhī
sab kuchh to mayassar hai dil māñge to kyā māñge

paayā na jab kisī meñ bhī āvārgī kā shauq
sahrā simaT ke gosha-e-tanhā.ī ban gayā

darvāze par pahra dene
tanhā.ī kā bhuut khaḌā hai

tanhā.ī se bachāv kī sūrat nahīñ karūñ
mar jā.ūñ kyā kisī se mohabbat nahīñ karūñ

pahle kabhī mahfil jamtī thī mahfil meñ kahīñ tum hote the
ab kuchh bhī nahīñ yādoñ ke sivā, bas maiñ huuñ mirī tanhā.ī hai

tanhā.ī kā rog na paal
ghar se bāhar paaoñ nikāl

kal jo qabristān se lauTā
to tanhā.ī kā ik bojh uThā kar laayā

haa.e vo shaḳhs jo kartā thā hamārī ḳhvāhish
raqs-e-tanhā.ī meñ aaj us ko bahut yaad kiyā

shab-e-tanhā.ī-e-furqat meñ dil se
kuchh us kī guftugū hai aur maiñ huuñ

mirī tanhā.ī kā aalam na pūchho
ḳhayāl-e-dostāñ hai aur maiñ huuñ

aur tanhā.ī
so rahe the

bazm ārāsta hogī to numāyāñ hoñge
kisī tanhā.ī meñ shāyad haiñ nihāñ tum aur maiñ

tanhā.ī ham-kanār hai sahrā kī rāt-bhar
kaise maiñ apne chāñd sitāre se kaT gayā

apnī apnī zaat meñ gum haiñ ahl-e-dil bhī ahl-e-nazar bhī
mahfil meñ dil kyuuñ kar bahle mahfil meñ tanhā.ī bahut hai

shorish-e-dahr ne begāna kiyā ḳhud se mujhe
āgahī baḳhshī mujhe gosha-e-tanhā.ī ne

qabr tak pahuñchā ga.e saare azīz-o-aqribā
aage aage phir rafīq-e-rāh tanhā.ī huī