Tags-Tanhai

tanhā.ī meñ karnī to hai ik baat kisī se
lekin vo kisī vaqt akelā nahīñ hotā

dosto tum se guzārish hai yahāñ mat aao
is baḌe shahr meñ tanhā.ī bhī mar jaatī hai

ab bhī aksar shab-e-tanhā.ī meñ kuchh tahrīreñ
chāñd ke aks se ho jaatī haiñ raushan raushan

har samt pukārā hai āvāz nahīñ i
sannāTā hai sannāTā tanhā.ī hai tanhā.ī

tanhā.ī kā dukh to kam ho kisī bahāne
dekheñ kis kā kis kā bachpan yaad aatā hai

bhiiḌ se kaT ke na baiThā karo tanhā.ī meñ
be-ḳhayālī meñ ka.ī shahr ujaḌ jaate haiñ

ruḳhsat ai vahshat-e-tanhā.ī-o-ġhurbat ruḳhsat
ḳhauf hī kyā hai jo hamrāh mire dil hogā

apnī tanhā.ī meñ raat maiñ thā magan ek aahaT huī dhyān meñ daf.atan
mujh se bāteñ karo ḳhāmushī ne kahā ḳhāmushī ke liye ek taaza ġhazal

saḌkoñ ke chaurāhoñ par jin ko tanhā.ī ghere ho
us sīmābī duniyā meñ kyuuñ jiine kā armān kareñ

tanhā.ī kā ġham Dho.eñ aur ro ro jī halkān kareñ
is se behtar hogā ki vo mashq-e-tīr-e-kamān kareñ

us kī tanhā.ī kā aalam dosto mat pūchhiye
ghar kī har dīvār se vo maslahat kartā rahā

ye intizār nahīñ sham.a hai rifāqat kī
is intizār se tanhā.ī ḳhūb-sūrat hai

merī tanhā.ī kisī roz jo mujh se khele
ain-mumkin hai samajh jā.ūñ khilaunā kyā hai

vahīñ se luuT ga.ī rāstoñ kī tanhā.ī
jahāñ pe us ne ye jaanā safar meñ ham bhī haiñ

bād-o-bārāñ bhī nahīñ baam nahīñ dar bhī nahīñ
koī chhīno na mire gosha-e-tanhā.ī ko

raat gahrī merī tanhā.ī kā sāgar aur phir
terī yādoñ ke sulagte diip har mañjdhār par

ḳhat likh ke kabhī aur kabhī ḳhat ko jalā kar
tanhā.ī ko rañgīn banā kyuuñ nahīñ lete

har zarra-e-ummīd se ḳhushbū nikal aa.e
tanhā.ī ke sahrā meñ agar tū nikal aa.e

maiñ shiddat kī tanhā.ī meñ
āshnā harf kā ārzū-mand

dekhūñ kaisī fasl ugātā hai mausam tanhā.ī kā
dard ke biij kī nasl hai ūñchī dil kī miTTī giilī sī