English
Favourite
Favourite
UrduShayarUrduShayar
Expand menu
Sign inAccount

Tags-Tanhai

hijr kī shab se bahut duur sar-e-matla-e-shauq
ab ke tanhā.ī meñ vo mujh se milā pahlī baar
Ghazal
 mahw-e-nazzara-e-hairat hai hawa pahli bar
merī tanhā.ī baḌhāte haiñ chale jaate haiñ
hañs tālāb pe aate haiñ chale jaate haiñ
Ghazal
 meri tanhai baDhate hain chale jate hain
us ko rone se pahle kuchh ham ne yuuñ tayyārī kī
kone meñ tanhā.ī rakkhī kamre meñ phailā.ī raat
Ghazal
 din guzra aur sham Dhali phir wahshat le kar aai raat
mirī tanhā.ī
maañ jaa.ī
Nazm
 tanhai mujhe dekhti hai
vahshat-e-hijr bhī tanhā.ī bhī maiñ bhī 'anjum'
jab ikaTThe hue sab ek ġhazal aur kahī
Ghazal
 kitna DhunDa use jab ek ghazal aur kahi
haa.e kyā pās-e-mohabbat hai ki tanhā.ī meñ bhī
ashk āñkhoñ meñ rahe aur bahā.e na bane
Ghazal
 ab ye kaifiyyat-e-dil hai ki chhupae na bane
mirā bharam thā yahī ek merī tanhā.ī
ye ik bharam bhī tamāshā.iyoñ ne toḌ diyā
Ghazal
 mere wajud ko parchhaiyon ne toD diya
ashkoñ ko merī zaat kī tanhā.ī chāhiye
lekin sag-e-zamāna ko rusvā.ī chāhiye
Ghazal
 ashkon ko meri zat ki tanhai chahiye
chal 'qaisī' mele meñ chal kyā ronā tanhā.ī kā
koī nahīñ jab terā merā sab mere sab tere
Ghazal
 raat ki raat paDaw ka mela coach ki dhul sawere
ghar kī tanhā.ī meñ apne-āp se ham
ban kar ik dīvār ulajhne lagte haiñ
Ghazal
 rishton ke jab tar ulajhne lagte hain
bahut basīt hai dasht-e-jafā kī tanhā.ī
qarīb-o-dūr koī āhū-e-vafā bhī nahīñ
Ghazal
 zamin se ta-ba-falak koi fasla bhi nahin
ab to mahfil se bhī hotā nahīñ kuchh ġham kā ilaaj
pahle tanhā.ī bhī dukh baañT liyā kartī thī
Ghazal
 dil mein jab teri lagan raqs kiya karti thi
terī mahfil bhī mudāvā nahīñ tanhā.ī kā
kitnā charchā thā tirī anjuman-ārā.ī kā
Ghazal
 teri mahfil bhi mudawa nahin tanhai ka
ufuq-e-zehn pe chamkā tirā paimān-e-visāl
chāñd niklā hai mire ālam-e-tanhā.ī kā
Ghazal
 teri mahfil bhi mudawa nahin tanhai ka
ham aa.eñ aap meñ yā-rab vo jis dam aa.eñ bālīñ par
hujūm-e-rañj-e-tanhā.ī se hai ye be-ḳhudī achchhī
Ghazal
 hasinon se faqat sahib-salamat dur ki achchhi
tanhā.ī se ghabrā kar ham kyā kyā shikve karte the
lekin jab se aap mile haiñ dost huā begāna bhī
Ghazal
 aap karishma-saz hue hain hosh mein hai diwana bhi
mere bechain ḳhayāloñ pe ubharne vaalī
apne ḳhvāboñ se na bahlā merī tanhā.ī ko
Nazm
 aaj ki baaten kal ke sapne
sochtā huuñ ki zamāne se nikal kar aage
phir vahī maiñ huuñ vahī gosha-e-tanhā.ī hai
Ghazal
 jis ko dekho wahi aawara-o-saudai hai
kal 'farāsat' thā yahāñ majma-e-yārāñ tire saath
ab isī shahr meñ tanhā.ī ke āzār uThā
Ghazal
 jab achanak mere pahlu se mera yar uTha
dariyā kī vus.atoñ se use nāpte nahīñ
tanhā.ī kitnī gahrī hai ik jaam bhar ke dekh
Sher
 dariya ki wusaton se use napte nahin
Top Urdushayar.com