English
Favourite
Favourite
UrduShayarUrduShayar
Expand menu
Sign inAccount

Tags-Tanhai

aaj kuchh yuuñ shab-e-tanhā.ī kā afsāna chale
raushnī sham.a se dil dard se begāna chale
Ghazal
 aaj kuchh yun shab-e-tanhai ka afsana chale
zamīñ ābād hotī jā rahī hai
kahāñ jā.egī tanhā.ī hamārī
Sher
 zamin aabaad hoti ja rahi hai
armān thā tumhīñ ko ki sab saath meñ raheñ
ab tum hī kah rahe ho ki tanhā.ī chāhiye
Ghazal
 dil Dubne laga hai tawanai chahiye
niiñd aa jaa.e to kyā mahfileñ barpā dekhūñ
aañkh khul jaa.e to tanhā.ī kā sahrā dekhūñ
Ghazal
 apni ruswai tere nam ka charcha dekhun
tanhā.ī meñ milo to tumheñ dil ke ās-pās
dikhlā.eñ ek shahr-e-tilismāt kī tarah
Ghazal
 jab se paDi hai un se mulaqat ki tarah
bharī mahfil meñ zabt-e-ġham bā-āsānī bhī karte haiñ
magar tanhā.ī meñ ashkoñ kī arzānī bhī karte haiñ
Ghazal
 bhari mahfil mein zabt-e-gham ba-asani bhi karte hain
saath saath is ko liye phirtī hai kyuuñ terī talāsh
dasht kī tanhā.ī meñ dīvāna tanhā chāhiye
Ghazal
 zist ki har rahguzar par hashr barpa chahiye
ek piñjrā udaas tanhā.ī
us ne kyā kyā ḳhudā se māñgā thā
Ghazal
 wo jo sab ka bahut chahita tha
udāsī shaam tanhā.ī kasak yādoñ kī bechainī
mujhe sab sauñp kar sūraj utar jaatā hai paanī meñ
Sher
 udasi sham tanhai kasak yaadon ki bechaini
aaj tanhā.ī ke ujḌe moḌ par ThiTkā huā
sochtā huuñ maiñ ne us ko TuuT kar chāhā na thā
Ghazal
 jugnuon ka harf meri aankh mein utra na tha
tire ḳhayāl se lo de uThī hai tanhā.ī
shab-e-firāq hai yā terī jalva-ārā.ī
Ghazal
 tere KHayal se lo de uThi hai tanhai
tanhā.ī meñ aisā bhī kabhī hotā hai
ḳhud ko bhī maiñ chhū kar dekhne lagtā huuñ
Ghazal
 jab bhi ghar ke andar dekhne lagta hun
dil kī gahrā.ī tirī zaat kī tanhā.ī mirī
qaal se to huā hai haal se maiñ hotā huuñ
Ghazal
 baal shishe mein kahin baal se main hota hun
tere ḳhayāl-o-ḳhvāb hī rahte haiñ ās-pās
tanhā.ī meñ bhī maiñ kabhī tanhā nahīñ rahā
Ghazal
 jab se kisi se dard ka rishta nahin raha
shahr meñ kis se suḳhan rakhiye kidhar ko chaliye
itnī tanhā.ī to ghar meñ bhī hai ghar ko chaliye
Sher
 shahr mein kis se suKHan rakhiye kidhar ko chaliye
yādoñ ke ik hujūm meñ rah kar patā chalā
tanhā.ī bhī to rakhtī hai mahfil kī āgahī
Ghazal
 rakkhe har ek qadam pe jo mushkil ki aagahi
ḳhair ho aaj mire dil ke bayābānoñ kī
'mānī' karnā nahīñ mātam shab-e-tanhā.ī kā
Ghazal
 aa gaya waqt agar pyar mein ruswai ka
sāmne umr paḌī hai shab-e-tanhā.ī kī
vo mujhe chhoḌ gayā shaam se pahle pahle
Sher
 samne umr paDi hai shab-e-tanhai ki
tanhā.ī meñ chhoḌ ke jaane vaalā tū
tanhā.ī se kabhī na Darne vaalā meñ
Ghazal
 tera dukh aur aanhken bharne wala main
kyā karūñ zarf-e-shanāsā.ī ko
maiñ taras jaatā huuñ tanhā.ī ko
Ghazal
 kya karun zarf-e-shanasai ko
Top Urdushayar.com