Tags-Tanhai

tanhā.ī se hai sohbat din raat judā.ī meñ
kyā ḳhuub guzartī hai auqāt judā.ī meñ

kabhī tanhā.ī ne tanhā na chhoḌā
tamāsha phir bhī ghus kar dekhte haiñ

aane de niiñd to sab so.eñ magar ai tauba
nāla-e-ishq kā is par shab-e-tanhā.ī kā

mā-sivā us ke nahīñ jis kā koī aur sharīk
kaun batlā.egā aalam mirī tanhā.ī kā

saath dene kā to ehsān hai mujh par lekin
sham.a ne naam Duboyā mirī tanhā.ī kā

jo tanhā.ī ke kuchh lamhe
kabhī aa jaa.eñ hāthoñ meñ

zindagī ek hujūm-e-guzarāñ hai lekin
aadmī apnī jagah ālam-e-sad-tanhā.ī

har lamha dil-doz ḳhamoshī chīḳh rahī hai
maiñ huuñ jahāñ tanhā.ī merī chīḳh rahī hai

ālam-e-ġhurbat meñ tanhā.ī se ghabrātā huuñ maiñ
yād-e-ahbāb-e-vatan se dil ko bahlātā huuñ maiñ

simaTtī phailtī tanhā.ī sote jāgte dard
vo apne aur mire darmiyān chhoḌ gayā

in jāgtī ā.ankhoñ ko mile dhuup ke bāzār
ai dil vo pighaltī hui tanhā.ī kahāñ hai

ye kis maqām pe laa.ī hai merī tanhā.ī
ki mujh se aaj koī bad-gumāñ nahīñ hotā

mere zaḳhmoñ mirī rusvā.ī ko vāpas le le
is sulagtī huī tanhā.ī ko vāpas le le

maiñ ne tanhā.ī meñ jo us ko muḳhātab kar ke
kī haiñ bāteñ unheñ suntā to vo kitnā hañstā

terā pahlū tire dil kī tarah ābād rahe
tujh pe guzre na qayāmat shab-e-tanhā.ī kī

tanhā.ī meñ rote haiñ ki yuuñ dil ko sukūñ ho
ye choT kisī sāhab-e-mahfil se lagī thī

ik tirā dard hai tanhā.ī hai rusvā.ī hai
tiin lafzoñ meñ mirī ziist simaT aa.ī hai

jab ḳhat meñ tum likh detī ho kuchh haal apnī bīmārī kā
maiñ baiTh ke tanhā.ī meñ jaane kyā kyā sochā kartā huuñ

rahguzar meñ yaksūī anjuman meñ tanhā.ī
ham tire tasavvur meñ the kahāñ kahāñ tanhā

khulī chhatoñ se chāñdnī rāteñ katrā jā.eñgī
kuchh ham bhī tanhā.ī ke aadī ho jā.eñge