Tags-Tasweer

har ghaḌī pesh-e-nazar ishq meñ kyā kyā na rahā
merā dil bas tirī tasvīr kā dīvāna rahā

shām-e-sad-rañg mire ā.ina-ḳhāne meñ Thahar
maiñ ne tasvīr banānī hai tire ġhāze se

der se qufl paḌā darvāza ik dīvār hī lagtā thā
us par ek khule darvāze kī tasvīr lagā lī hai

mutma.in ho dekh kar tum rañg-e-tasvīr-e-hayāt
phir vo shāyad vo nahīñ jo mujh ko dikhlā.ī ga.ī

hasīn raat kiran chāñd kī hinā kī mahak
milā ke ab terī tasvīr kar rahā huuñ maiñ

dasht kī pyaas kisī taur bujhā.ī jaatī
koī tasvīr hī paanī kī dikhā.ī jaatī

tasvīr mirī hai aks tirā tū aur nahīñ maiñ aur nahīñ
kar ġhaur tū apne dil meñ zarā tū aur nahīñ maiñ aur nahīñ

us kī album meñ to tasvīr mirī hai maujūd
us ne tasvīr ko siine se lagāyā na kabhī

ab tak na bujhe dast-e-taġhayyur kī adā se
tasvīr-e-gulistāñ ko jhulaste hue sho.ale

diida o dil meñ tire aks kī tashkīl se ham
dhuul se phuul hue rañg se tasvīr hue

ek tasvīr ko haTāyā bas
dil kī dīvār ḳhālī ḳhālī hai

havā ke hausle zanjīr karnā chāhtā hai
vo merī ḳhvāhisheñ tasvīr karnā chāhtā hai

ya.anī tasvīr-e-zamāñ par hai tasarruf itnā
dekhtā jaatā huuñ tahrīr kiye jaatā huuñ

hūroñ se chal ke dād-e-jamāl us kī leñge ham
tasvīr-e-yār qasr-e-jināñ meñ lagā.eñge

'arsh' agar lafz-o-ma.ānī ke ho tum paiġhambar
ek tasvīr banā jaao ki duniyā dekhe

jām-e-jam laayā hai ghar ghar duniyā ke hālāt
dil kī bāteñ ham terī tasvīr se pūchhte haiñ

paimāna-o-mīnā kī sūrat meñ 'ra.īs' āḳhir
TuuTī huī tauba kī tasvīr nazar aa.ī

husn hai mahz jafā ishq hai tasvīr-e-vafā
rabt kā kuchh to sabab mujh ko batā.e koī

is tasvīr kā lahja dekh rahā hai tū
ye tasvīr bhī mujh se rūThī huī dost

tasvīr hai tujh yaad siiñ ā.īna-e-dil aaj
hairat-vashī-e-dīda-e-be-ḳhvāb kī saugand