Tags-Aagahi

shorish-e-āgahī ke saath husn-e-shu.ūr shart hai
zauq-e-junūñ-navāz ab aur na sharmsār kar

gale lagā ke gul-o-nastaran ko royā huuñ
ki mujh ko nazm-e-gulistāñ se āgahī hai bahut

raushnī āgahī aur zinda-dilī
in harīfoñ se thā vāstā aur maiñ

ye nā-umīdī kī intihā hai ki āgahī kī hai koī manzil
ye dil ko kyā āriza huā hai ise kisī se gila nahīñ hai

qafas-e-rañg meñ din raat vahī pyaas kā dard
āgahī bhī mujhe jiine kī sazā detī hai

ghirī hai dā.era-e-karb-e-āgahī meñ hayāt
isī hisār meñ rahne kā hausla likh do

ġhāroñ meñ rahne vāloñ kī shā.istagī kā qad
saḌkoñ pe raqs kartī huī āgahī se pūchh

jahāñ ne kis ko sazāvār-e-āgahī jaanā
jo maiñ bhī morid-e-ilzām ho gayā to kyā

maiñ apne daur se kis darja sharmsār rahe
ġhazab kiyā mujhe irfān-o-āgahī de dī

jab karb-e-āgahī meñ huuñ ai 'lais' āj-kal
is karb-e-āgahī se kise āshnā karūñ

ham āgahī ko rote haiñ aur āgahī hameñ
vāraftagi-e-shauq kahāñ le chalī hameñ

āgahī hai shart jiine ke liye
phir bhī ġhāfil ho rahā hai aadmī

ye āgahī hai kisī hādse ke aamad kī
badan kā saarā asāsa bikharne vaalā hai

ab uḳhuvvat pe bharosa nahīñ kartī duniyā
āgahī niyyat-e-qābīl tak aa pahuñchī hai

ye aql-o-āgahī ke ḳhaam da.ave
kabhī sochā bhī ye tū ne ki thā kyā

tār-e-nafas pe chheḌ ke ik naġhma-e-hayāt
maiñ āgahī ke saaz pe gaatā chalā gayā

zindagī ne baḳhshā hai zahr-e-āgahī mujh ko
kar diyā gayā andhā de ke raushnī mujh ko

misāl-e-barq jo ḳhvāb-e-junūñ meñ chamkī thī
us āgahī ke ta.āqub meñ huuñ chalā jaatā

mujhe āgahī kā nishāñ samajh ke miTāo mat
ye charāġh jalne lagā hai is ko bujhāo mat

mazmūn-e-āgahī huuñ bayāñ chāhtā huuñ maiñ
afsūn-e-be-asar huuñ asar chāhiye mujhe