Tags-Aagahi

zindān-e-ehtiyāt meñ guzrī tamām umr
maiñ jurm-e-āgahī kī sazā kāTtā rahā

aql tafrīq kā tamāshā hai
āgahī fāsloñ kī bastī hai

karūñ to ab maiñ kis se apnī vus.at-e-nazar kī baat
vo mujh meñ hiss-e-āgahī baḌhā baḌhā ke chal diyā

ḳhud bhī maiñ jal rahā huuñ jalā kar
tāq-e-jāñ meñ charāġh āgahī ke

jab tak junūñ junūñ hai ġham-e-āgahī bhī hai
yaanī asīr-e-naġhma mirī be-ḳhudī bhī hai

duniyā ba-juz tilism-e-nazar aur kuchh nahīñ
ḳhud ko diye fareb agar āgahī huī

āgahī sar-chashma-e-ranj-o-alam 'tāsīr' hai
ham ḳhushī se hī nahīñ vāqif to phir kyā ġham kareñ

kis ne hilā.ī aaj ye zinjīr-e-āgahī
ek shor sā bapā hai mere andarūn meñ

umr jo be-ḳhudī meñ guzrī hai
bas vahī āgahī meñ guzrī hai

ho salāmat mirā ishq josh-e-junūñ husn ke raaz ḳhud munkashif ho ga.e
itnī mushkil nahīñ rahguzār-e-fanā be-ḳhudī chāhiye āgahī ke liye

maiñ āgahī kī fasīloñ ko chuum aayā huuñ
mire ḳhudā tū mujhe be-zabān rahne de

ghar mirā dekh liyā sail-e-balā ne 'shiblī'
āgahī kyā huī ik dard kī sauġhāt huī

junūñ kī ḳhair ho tujh ko 'asar' milā sab kuchh
ye kaifiyat bhī zarūrī thī āgahī ke liye

irfān-o-āgahī ke sazā-vār ham hue
soyā paḌā thā shahr ki bedār ham hue

yaqīñ nahīñ mujh ko qais-e-giryāñ ke haal se us ko āgahī ho
nikal ke matlab se apne lailā kinār-e-jū bhī nahīñ ga.ī hai

ye kaisī āgahī hai jis kī mash.al haath meñ le kar
sadā tanhā.iyoñ ke des meñ phirtī ho āvāra

milnā kahāñ thā sahal dar-e-āgahī mujhe
aayā huuñ maiñ pahāḌ se rasta nikāl ke

koī junūñ se jā kahe mujhe na ab talāsh kar
ki āgahī ke dasht meñ koī to ab sadā mile

jin se zinda ho yaqīn o āgahī kī aabrū
ishq kī rāhoñ meñ kuchh aise gumāñ karte chalo