Tags-Awaz

baal khole hue kyuuñ aa ga.e parde ke qarīb
maiñ nai āvāz sunā.ī thī pukārā to na thā

manziloñ us ko āvāz dete rahe manziloñ jis kī koī ḳhabar bhī na thī
dāman-e-shab meñ koī sitāra na thā sham.a koī sar-e-rahguzar bhī na thī

dāstān-e-dard-e-dil ahl-e-vafā kahne lage
ya.anī har āvāz ko terī sadā kahne lage

aaj 'barqī' hai gosh-bar-āvāz
tum bajāte sitār aa jaao

ab na.e sur se chheḌ parda-e-sāz
maiñ hī thā ek dukh-bharī āvāz

us ne har mashq-e-sitam ham pe ravā rakkhī hai
ham ne āvāz bhī siine meñ dabā rakkhī hai

rū-ba-rū aa.ine ke jā.ūñ to dikhtā hai mujhe
ajnabī shaḳhs jo ham-shakl-o-ham-āvāz nahīñ

lab-e-ḳhāmosh meñ pinhāñ hai koī raaz nahīñ
zindagī saaz hai jis meñ koī āvāz nahīñ

us kī ḳhushbū thī mirī āvāz thī kyā chiiz thī
jo darīcha toḌ kar niklī fazā meñ kho ga.ī

ab na tiflāñ ko ḳhabar hai kisī dīvāne kī
aur na āvāz ki ''o chaak garebāñ vāle''

jab bhī gā.egī koī ġhairat-e-nāhīd ġhazal
sab ko aa.egā nazar sho.ala-e-āvāz meñ tū

lafz aur āvāz donoñ kho ga.e
mujh se haq chhīnā gayā hai baat kā

thī mīr-taqī-'mīr' kī nauhagarī mash.hūr
'afzal' kī sisaktī huī āvāz se pahle

baat karte haiñ to guuñj uThtī hai āvāz-e-shikast
aur qadam rakkheñ to galiyoñ kī zamīñ baj uTThe

saañs liije to bikhar jaate haiñ jaise ġhunche
ab ke āvāz meñ bajte haiñ ḳhizāñ ke patte

bin āvāz pukāreñ har-dam naam tirā
shāyad ham bhī pāgal hone vaale haiñ

gaahe ai īsvī-dam yak baat lutf suuñ kar
jāñ-baḳhsh mujh ko terā āvāz hai sarāpā

sadāoñ se mahrūm apnī galī meñ
bas ik terī āvāz-e-pā chāhtā huuñ

ab ye aañsū haiñ ki rukte hī nahīñ haiñ ham se
dil kī āvāz hī pahle na sunā.ī jaatī

merī ḳhāmoshiyoñ ke aalam meñ
guuñj uThtī hai aap kī āvāz