Tags-Awaz

ajab āhañg thā us shor meñ bhī ḳharch huī
merī āvāz-e-sukūt-e-ajabī ḳharch huī

kyuuñ mast-e-sharāb-e-aish-o-tarab taklīf-e-tavajjoh farmā.eñ
āvāz-e-shikast-e-dil hī to hai āvāz-e-shikast-e-jām nahīñ

kaun ho saktā hai aane vaalā
ek āvāz sī aa.ī thī abhī

himmat hai to buland kar āvāz kā alam
chup baiThne se hal nahīñ hone kā mas.ala

āvāz-e-shikast-e-dil hī 'unvāñ'
āvāz-e-zamīr ho ga.ī hai

āvāz dī hai tujh ko tasavvur ne bārhā
rāh-e-surūr meñ kabhī dasht-e-malāl meñ

āvāz vo shīsha-e-nāzuk hai mehrāb-e-nazar meñ rahne de
kyuuñ farsh samā.at par gir kar reze ye bikharte jaate haiñ

ham yūñhī nahīñ haiñ sust-qadam ham jānte haiñ fardā kyā hai
shāyad koī de āvāz hameñ rah rah ke Thaharte jaate haiñ

duur tak uḌte hue jugnū tirī āvāz ke
duur tak reg-e-ravāñ par ik nagar mere liye

dushnām-e-yār tab-e-hazīñ par girāñ nahīñ
ai ham-nashīñ nazākat-e-āvāz dekhnā

merī ḳhāmoshiyoñ ke aalam meñ
guuñj uThtī hai aap kī āvāz

mansūr kī fanā hai baqā-e-sadā-e-haq
āvāz vādiyoñ meñ abhī tak azaañ kī hai

kis ne aa kar ham ko dī āvāz pichhlī raat meñ
kaun ham ko chheḌne aayā hai in lamhāt meñ

us ke kūche meñ bhī ho, raah se be-rāh 'nasīr'
itne aa.e the to āvāz lagāte jaate

jaane ab kaun sī manzil meñ meñ arbāb-e-junūñ
duur tak dasht meñ āvāz-e-salāsil bhī nahīñ

hama-tan gosh huuñ āvāz pe us kī aise
mere siine meñ dhaḌaktā ho tirā dil jaise

andāz hū-ba-hū tirī āvāz-e-pā kā thā
dekhā nikal ke ghar se to jhoñkā havā kā thā

barābar ek pyāsī ruuh kī āvāz aatī hai
kuoñ se pan-ghaToñ se naddiyoñ se ābshāroñ se

sune koī to ab bhī raushnī āvāz detī hai
guphāoñ se pahāḌoñ se bayābānoñ se ġhāroñ se

yaad hai zamzama-e-sāz-e-bahār
shor-e-āvāz-e-ḳhizāñ yaad nahīñ