Tags-Awaz

mere afkār kī rānā.iyāñ tere dam se
merī āvāz meñ shāmil tirī āvāz bhī hai

sūrat dikhā.e apnī dekheñ vo kis tarah se
āvāz bhī na ham ko jis ne kabhī sunā.ī

maiñ ne jab pahle-pahal apnā vatan chhoḌā thā
duur tak mujh ko ik āvāz bulāne aa.ī

bāz-gashtoñ ke ta.āqub se pareshāñ ho kar
maiñ bhī āvāz ke jañgal meñ dhuāñ-dhār chalā

rahā vo gosh-bar-āvāz aur hameñ barsoñ
ḳhayāl tak nahīñ aa yā ki hai yahāñ koī

band kamre meñ parāganda ḳhayāloñ kī ghuTan
aur darvāze pe ik āvāz-e-pā jaise havā

gahrā sukūt chaap kī āvāz-e-bāzgasht
rah meñ bhī kuchh na thā sar-e-manzil bhī kuchh nahīñ

nikālūñ dil se maiñ naale kī kis tarah āvāz
terī nigah ne ajab surma-dān khol diye

us se kuchh kahne kā matlab
aañsū meñ āvāz bhigonā

udaas āñkheñ sulagte chehroñ kī mujh ko āvāz de rahī haiñ
kabhī jo ābād rah chukā hai vo ghar mirī ḳhaak meñ milegā

sannāTe ke zahr meñ bujhte logoñ ko ye kaun batā.e
jitnā ūñchā bol rahe haiñ utnī hai āvāz meñ chup

gaahe gaahe sāñsoñ kī āvāz sunā.ī detī hai
gaahe gaahe baj uThtī hai dil ke shikasta-sāz meñ chup

terī ruuh meñ sannāTā hai aur mirī āvāz meñ chup
tū apne andāz meñ chup hai maiñ apne andāz meñ chup

duur jā kar mirī āvāz sunī duniyā ne
fan ujāgar mirā ā.īna-e-fardā se huā

choT āvāz se lagī aur phir
hosh meñ ḳhāmushī nahīñ aa.ī

sāl-hā-sāl se ḳhāmosh the gahre paanī
ab nazar aa.e haiñ āvāz ke āsār mujhe

ghuT ke rah jaatī hai āvāz kī lau
har nafas bojh hai siine ke liye

kaan dhartā hī nahīñ koī mirī āvāz par
aisā lagtā hai ki saarā shahr murda ho gayā

yuuñ tujhe dekh ke chauñk uThtī haiñ soī yādeñ
jaise sannāTe meñ āvāz lagā de koī

tai kar rahā huuñ maiñ bhī ye rāheñ salīb kī
āvāz ai hayāt na denā abhī mujhe