English
Favourite
Favourite
UrduShayarUrduShayar
Expand menu
Sign inAccount

Tags-Awaz

roz ik daur kī āvāz Thahartī hai yahāñ
aur maiñ āvāz meñ āvāz milā detā huuñ
Ghazal
 har nae sal naya peD laga deta hun
ek āvāz ki ''tum ne to mujhe chāhā thā''
ek āvāz ki ''tum ahd-e-vafā bhuul ga.e''
Nazm
 naya janm
jau adam kī jaan hai jo hai payām-e-zindagī
us sukūt-e-rāz us āvāz kī bāteñ karo
Ghazal
 sham-e-gham kuchh us nigah-e-naz ki baaten karo
kohsār ke dāman meñ milātā hai nihāñ kaun
āvāz se āvāz barābar koī mujh sā
Ghazal
 milta hi nahin dard ka paikar koi mujh sa
kyuuñ nahīñ mujh shikast meñ āvāz
kyā magar kāsa-e-sifālī huuñ
Ghazal
 us shakar-lab ka main KHayali hun
maiñ sochtā huuñ ki sab to the gosh-bar-āvāz
vahī thā ek ki jis ne kahā sunā hī nahīñ
Ghazal
 main sochta hun sabaq maine wo paDha hi nahin
koī 'irfān' mujh meñ se mujhe āvāz detā hai
are tū sochtā kyā hai kabhī kuchh to batā mujh ko
Ghazal
 junun ke dam se aaKHir martaba kaisa mila mujhko
ye bhī ejaaz mujhe ishq ne baḳhshā thā kabhī
us kī āvāz se maiñ diip jalā saktā thā
Ghazal
 ye talluq teri pahchan bana sakta tha
āvāz de rahā thā koī mujh ko ḳhvāb meñ
lekin ḳhabar nahīñ ki bulāyā kahāñ gayā
Ghazal
 mujhko ye fikr kab hai ki saya kahan gaya
abhī to lafz bhī āvāz ke bhañvar meñ haiñ
abhī se kaise ma.ānī kā bādbān khulā
Ghazal
 saba ka raaz bhi phulon ke darmiyan khula
uftādgān-e-rāh ke dil par lagegī choT
manzil pe jā ke qāfile āvāz yuuñ na deñ
Ghazal
 in jhilmilate chand sitaron ki chhanw mein
mirī ḳhāmoshiyoñ ko chīḳh banñe kā bahut Dar hai
koī āvāz uThne lag paḌī hai mere andar se
Ghazal
 mohabbat ka shikasta-pan nazar kya aae bahar se
chhan-chhanā ke duur tak āvāz gūñjī zor se
TuuT ke bikhrā hai sapnā haañ magar bismil na thā
Ghazal
 tum ghaTa samjhe the jis ko wo koi baadal na tha
dauḌte haiñ rāt-din tiin aañkh bārah haath vaale
sard sannāTe meñ āvāz-e-sagāñ chāroñ taraf hai
Ghazal
 ghar nahin basti nahin shor-e-fughan chaaron taraf hai
ek āvāz sī aatī hai haram se shāyad
mai-kade vaalo zarā sāġhar-o-mīnā rakh do
Ghazal
 daman-e-husn mein har ashk-e-tamanna rakh do
tamām aalam se moḌ kar muñh maiñ apne andar samā gayā huuñ
mujhe na āvāz de zamāne maiñ apnī āvāz sun rahā huuñ
Sher
 tamam aalam se moD kar munh main apne andar sama gaya hun
phail jaatī hai kis tarah āvāz
aañkh kā sehr hai ziyā kyā hai
Ghazal
 kyun fana se Daren baqa kya hai
phir koī āvāz aa.ī kaan meñ
phir khanak uTThe fazā meñ jaam se
Ghazal
 jis ko nisbat ho tumhaare nam se
ghuñghrū dam-e-naz.a boltā hai
āvāz jaras ne dī huā kuuch
Ghazal
 ishq-e-ruKH-o-zulf mein kiya kuch
vaa.e ġhaflat bhī nahīñ hotī ki dam bhar chain ho
chauñk paḌtā huuñ shikast-e-hosh kī āvāz se
Ghazal
 nind aati hi nahin dhaDke ki bas aawaz se
Top Urdushayar.com