Tags-Awaz

koī āvāz detā hai mujhe bulbul ke naġhmoñ meñ
uḌātā hai koī merī hañsī chhup chhup ke phūloñ meñ

maiñ to pūchhūñgā ki tum sab ke ḳhudā kaise ho
merī āvāz farishtoñ kī sadā kaise ho

ye shahr hai yā ḳhema hai dushman kā sipah kā
āvāz ke zaḳhmoñ se lahū hai mirā sar dekh

hū-ba-hū vahī āvāz hū-ba-hū vahī andāz
tujh ko maiñ chhupā.ūñ kyā mujh meñ rañg tere haiñ

jab shāḳh-e-gul chaTaḳh ke girī raaz kī tarah
ḳhushbū kā dil laraz uThā āvāz kī tarah

shāmil tirī āvāz meñ tāroñ kī navā bhī
sharminda tire nuur se kirnoñ kī ziyā bhī

ḳhāmoshiyāñ us sāhil-e-āvāz se aage
pātāl se gahrī haiñ, samundar se baḌī haiñ

be-nām sī āvāz-e-shaguft aa.ī kahīñ se
kuchh patiyāñ shāyad shajar-e-shab se jhaḌī haiñ

ḳhud-kalāmī kā ye silsila ḳhatm kar gosh-o-āvāz kā fāsla ḳhatm kar
ik ḳhamoshī hai phailī huī sar-basar kuchh suḳhan chāhiye darmiyāñ yā aḳhī

ab shahr kī ḳhāmoshī vīrāne se miltī hai
āvāz lagā.ī to bolā hī nahīñ koī

terī āvāz meñ hai soz-o-gudāz
dil ko khīñche tirā na.ara bakrā

thī kisī darmāñda rah-rau kī sadā-e-dardnāk
jis ko āvāz-e-rahīl-e-kārvāñ samjhā thā maiñ

zaġhan-o-zāġh kī gulshan meñ sadā hai har sū
murġh-e-ḳhush-naġhma na āvāz sunānā hargiz

is taraf pā-e-shikasta meñ nahīñ tāb-e-safar
us taraf kaan meñ āvāz-e-darā aatī hai

ab to 'anjum' saarī duniyā gosh-bar-āvāz hai
kah bhī do mard-e-ḳhudā jo kuchh tumhāre dil meñ hai

maiñ sun rahā huuñ ḳhud apnī āvāz meñ ye jumla
ki maiñ to tum tak pahuñch gayā thā guzishta shab

bāñdh rakkhā hai kab se raḳht-e-safar
kabhī āvāz de koī rasta

merī āvāz tujhe chhū le bas itnī mohlat
tere kūche se guzar jā.ūñgā sādhū kī tarah

us ke ā.īne se jis dam raat kā pahra uThā
be-nishāñ āvāz thī jis meñ koī lahja na thā

zarā āvāz denā zindagī ko
'adam' irshād kuchh farmā rahā hai