Tags-Awaz

maut ḳhāmoshī hai chup rahne se chup lag jā.egī
zindagī āvāz hai bāteñ karo bāteñ karo

husūl kuchh na huā juz ġhubār-e-hairānī
kahāñ kahāñ tirī āvāz par nahīñ ga.e ham

gumbad-e-fikr meñ āvāzeñ hī āvāzeñ haiñ
maiñ har āvāz kī tasvīr banā.ūñ kaise

sāzoñ kā sañgīt kyā pāyal kī jhankār
kaun sune is shor meñ dil terī āvāz

us kī ik āvāz se sharmāyā sañgīt
sārañgī kā soz kyā kyā sitār kā saaz

tirī āvāz ko is shahr kī lahreñ tarastī haiñ
ġhalat number milātā huuñ to pahroñ baat hotī hai

jab bhī 'tūr' use DhūñDne ko gahre banoñ meñ jaatā huuñ
ik āvāz ye kahtī hai mujh se mūrakh ghar ko vāpas jā

ġhazal us ne chheḌī mujhe saaz denā
zarā umr-e-rafta ko āvāz denā

terī ḳhāmoshī se dahshat hai ayaañ
terī āvāz meñ Dar boltā hai

gūñgoñ ne āvāz dī to saare bahre chal paḌe
aur andhe aa ke is Tolī ko bāġhī kahte haiñ

ek āvāz ne toḌī hai ḳhamoshī merī
DhūñDhtā huuñ to pas-e-sāhil-e-shab kuchh bhī nahīñ

bastī meñ tum ḳhuub siyāsat karte ho
bastī kī āvāz uThāo to jāneñ

tanhā.iyoñ kī qaid se ghabrā ke ek shaḳhs
āvāz de rahā hai mujhe maar dījiye

zāhid kī subuk-fitrat rindoñ pe hamesha se
āvāz hī kastī kahiye bhī to kyā kahiye

kañgan udhar kalā.ī meñ ghūmā to yuuñ lagā
āvāz mujh ko gardish-e-lail-o-nahār de

naġhmagī aa ga.ī kis taur se us ke lab par
jis kī āvāz tarannum se judā thī kal tak

mohabbat ko tum laakh pheñk aao gahre kueñ meñ
magar ek āvāz pīchhā karegī

hujūm-e-aish to in tīra-bastiyoñ meñ kahāñ
kahīñ se aah kī āvāz bhī nahīñ aatī

jismoñ ke bulāve meñ giraftār hai sahrā
aur lams kī āvāz meñ mahbūs ghaTā.eñ