Tags-Teacher

mehr ustād kī se dekho to is 'nain' ke ta.iiñ
sher kahne kā kabhī Dhab na huā thā so huā

tire abru-e-pevasta kā aalam meñ fasāna hai
kisī ustād shā.er kā ye bait-e-āshiqāna hai

ishq ke aate hī muñh par mire phūlī hai basant
ho gayā zard ye shāgird jab ustād aayā

ik ġharīb ustād kī tuition Thikāne lag ga.ī
mājida dulhan banī teacher paḌhāne se gayā

ustād ke ehsān kā kar shukr 'munīr' aaj
kī ahl-e-suḳhan ne tirī tārīf baḌī baat

saḳhtiyāñ ustād haiñ insāñ kī duniyā meñ 'habīb'
karte haiñ maġhlūb ko ġhālib sikhā ke joḌ-toḌ

is zamīñ par bhī lagā leñge koī peḌ ustād
haath se ye bhī ġhazal jaane kā andesha hai

har kas-o-nā-kas ho kyūñkar kām-gār-e-be-ḳhudī
ye hunar sīkhā hai dil ne ik baḌe ustād se

shab-e-māh meñ jab bhī ye dard uThā kabhī bait kahe likhī chāñd-nagar
kabhī koh se jā sar phoḌ mare kabhī qais ko jā ustād kiyā

'saudā' tū is ġhazal ko ġhazal-dar-ġhazal hī kah
honā hai tujh ko 'mīr' se ustād kī taraf

tasvīr ke do ruḳh haiñ jaañ aur ġham-e-jānāñ
ik naqsh chhupānā hai ik naqsh dikhānā hai

mohtaram log mujhe fan ke sabab jānte haiñ
mohtaram haiñ mire ustād magar maiñ to nahīñ

us suḳhnavar se mujhe faiz-e-suḳhan hai ai 'hafīz'
nām-e-nāmī hai girāmī jis jahāñ ustād kā

arūz-o-ilm kī ta.alīm mujh ko kab rahī hāsil
mirā ustād to bas ye ġham-e-ayyām hai saaqī

reḳhte ke tumhīñ ustād nahīñ ho 'ġhālib'
kahte haiñ agle zamāne meñ koī 'mīr' bhī thā

mū-e-juz 'mīr' jo the fan ke ustād
yahī ik reḳhta-go ab rahā hai

kaun ustād mil gayā kāmil
kis se zarbeñ ye siikh aate ho

agar terī ḳhushī hai tere bandoñ kī masarrat meñ
to ai mere ḳhudā terī ḳhushī se kuchh nahīñ hotā

jise lafz-e-mohabbat ke ma.ānī tak nahīñ aate
use apne liye ham ne yahāñ ustād rakkhā hai

hai aks-e-ā.ina dil meñ kisī bilqīs-e-sānī kā
tasavvur hai mirā ustād bahzād aur maanī kā