Tags-Teer

tiir par tiir lage to bhī na paikāñ nikle
yārab is ghar meñ jo aave na vo mehmāñ nikle

ishāre kyā nigah-e-nāz-e-dil-rubā ke chale
sitam ke tiir chale nīmche qazā ke chale

nishāna bane dil rahe tiir dil meñ
nishānī nahīñ is nishānī se achchhī

zo.af ne go kar diyā hai juuñ kamāñ gosha-nashīñ
ab bhī chalne ko jo pūchho to sarāsar tiir huuñ

maze haiñ us dahan-e-zaḳhm ke liye kyā kyā
jo chūse tiir ke paikān ko zabāñ kī tarah

hayā ne rok liyā jazb-e-dil ne khīñch liyā
chale vo tiir kī sūrat khiñchī kamāñ kī tarah

ye vaar bhī hadaf se kahīñ duur jā girā
tarkash meñ tiir kyā koī 'nāyāb' aur hai

ruḳh har ik tīr-e-nazar kā hai mire dil kī taraf
aane vaale aa rahe haiñ apnī manzil kī taraf

mizhgāñ haiñ ġhazab abrū-e-ḳhamdār ke aage
ye tiir baras paḌte haiñ talvār ke aage

jis meñ qudrat ḳhud nishāne par pahuñch jaane kī ho
'qadr' phir us tiir ko sa.ī-e-kamāñ se kyā ġharaz

haañ bahut mushkil to hai lekin ye nā-mumkin nahīñ
dard kī tuġhyāniyoñ meñ tair kar aayā huuñ maiñ

dil idhar betāb hai tarkash udhar
khīñchtā huuñ aah maiñ tū tiir khīñch

āshiq o ma.ashūq bhī haiñ vasl o hijr o rashk bhī
mahr ulfat teġh o ḳhanjar tiir paikāñ ab bhī hai

tiir pe tiir nishānoñ pe nishāne badle
shukr hai husn ke andāz purāne badle

kamān-e-jism hai maujūd lekin
shabāb ik tīr-e-jasta ho gayā hai

kyā shai thī kisī kī pahlī nazar kuchh is ke alāva yaad nahīñ
ik tiir sā dil meñ jaise lagā paivast huā aur TuuT gayā

martā huuñ ki kyuuñ na rahā dil meñ tīr-e-yār
ārām-jāñ thā koī āzār-jāñ na thā

dil ye shādī-e-jarāhat se huā bālīda
ki tirā tiir yahāñ tā-lab-e-sūfār rahā

na faisla tumhārā hai na faisla hamārā hai
ye vaqt ke qazzāq ne chhupā ke tiir maarā hai

kisī ne barchhiyāñ mārīñ kisī ne tiir maare haiñ
ḳhudā rakkhe inheñ ye sab karam-farmā hamāre haiñ