Tags-Teer

tum ne dushman se kahīñ aañkh laḌā.ī hogī
kyuuñ huā tīr-e-nazar aaj ḳhatā aap hī aap

chhurī kā tiir kā talvār kā to ghaao bharā
lagā jo zaḳhm zabāñ kā rahā hamesha harā

roz ik ran thā tīr-o-tarkash bin
the kamīñ aur kamāniyāñ the ham

jo tiir aaj dil meñ tarāzū huā kabhī
chhūTā huā vo dosto apnī kamāñ kā thā

tīr-e-qātil ko kaleje se lagā rakkhā hai
ham to dushman ko bhī ārām diye jaate haiñ

tirchhī nazroñ se kiye us ne bahut dil zaḳhmī
tiir TeḌhe magar kaam diye jaate haiñ

vo jald yā-rab inhīñ ko taake lagā de do tiir in par aa ke
ye donoñ rah jaa.eñ phaḌphaḌā ke maiñ dekhūñ lāsheñ dil o jigar kī

tiir dil se vo nikalte haiñ koī jazba-e-shauq
nikle sūfār jo siine se gulū TuuT ga.e

gah tiir mārtā hai gah sañg pheñktā hai
vo shoḳh ham par aur ham misl-e-hadaf khaḌe haiñ

ham aaj khā.eñge ik tiir imtihāñ ke liye
ki vaqf karnā hai dil nāz-e-jāñ-sitāñ ke liye

vo tiir ho sāgar kī rut chhā.ī ho phāgun kī
phūloñ se mahaktī ho purvā.ī ghane ban kī

na kar talāsh-e-asar tiir hai lagā na lagā
jo apne bas kā nahīñ us kā aasrā na lagā

ummīd-e-sub.h-e-bahārāñ ḳhizāñ se khīñchte haiñ
ye tiir roz dil-e-nā-tavāñ se khīñchte haiñ

sinān o tiir kī lazzat lahū meñ ram kare hai
ham apne aap ko kis kā hiran banāte haiñ

tiir jaise kamān se niklā
harf-e-haq thā zabān se niklā

ik aur tiir chalā apnā ahd puurā kar
abhī parinde meñ thoḌī sī jaan baaqī hai

na koī tiir na koī kamān baaqī hai
magar vo ik nigah-e-mehrbān baaqī hai

tiir terā hai kamāñ terī nishāna terā
daam merā hai tah-e-dām hai daana terā

ek tīr-e-nazar idhar maaro
dil tarastā hai jaañ tarastī hai

Thahrā gayā na ho ke harīf us kī chashm kā
siine ko toḌ tīr-e-nigah paar ho gayā