Collections

Lab Shayari

Motivational Ghazals

Best Khamoshi Shayari

More Collections

Tags-Teer

thāme haiñ kalejā vo mire dil ko dukhā ke
ik tiir kī tāsīr idhar bhī hai udhar bhī

aaina-e-ibrat hai mera dil bhi jigar bhi

tū na ban jaa.e kahīñ pahlā nishāna merā
tere qaabū meñ mire tīr-o-kamāñ hote hue

main samundar na bana ju-e-rawan hote hue

dil meñ ajab sā tiir tarāzū hai in dinoñ
haañ ai nigāh-e-nāz batā tū kidhar ga.ī

shab KHwab ke jaziron mein hans kar guzar gai

tīr-o-talvār se nahīñ hotā
kaam hathiyār se nahīñ hotā

tir-o-talwar se nahin hota

qatl ke kab the ye saare sāmāñ
ek tiir ek kamāñ thī pahle

qatl ke kab the ye sare saman

aap to nahr kināre pe kiye haiñ qabza
aap kyuuñ pyaas ke ik tiir se Dar jaate haiñ

KHak hoti hui tamir se Dar jate hain

tiir o kamān, ḳhanjar o talvār ban ga.e
dushman milā to haath bhī hathiyār ban ga.e

tir o kaman, KHanjar o talwar ban gae

ḳhalish sī uThtī hai rah rah ke qalb-e-muztar meñ
thā kaisā tīr-e-nazar jo chubhā gayā ik shaḳhs

hinsa ke pahle mujhe phir rula gaya ek shaKHs

lahja to badal chubhtī huī baat se pahle
tiir aisā to kuchh ho jise naḳhchīr bhī chāhe

lahja to badal chubhti hui baat se pahle

pindār-e-āshiqī kī amānat hai āh-e-sard
ye tiir aaj chhoḌ rahe haiñ kamāñ se ham

jaane kahan the aur chale the kahan se hum

dil ḳhuun maiñ taḌpe hai tire tīr-e-nigah se
par us pe bhī zālim tire paikān kā Dar hai

is ishq o junun mein na gareban ka Dar hai

kyā siina jo taḌphoñ ko nigah kī tirī jhele
is tiir se rah jaa.e na faulād kī sil aaj

mange hai tere milne ko be-tarah se dil aaj

gar dil meñ tabassum kā ik tiir utar jaa.e
nau-ḳhāsta ġhunche kī taqdīr sañvar jaa.e

gar dil mein tabassum ka ek tir utar jae

hai ek tiir jis meñ donoñ chhide paḌe haiñ
vo din ga.e ki apnā dil se jigar judā thā

main aur bazm-e-mai se yun tishna-kaam aaun

havā meñ tiir chalāne se fā.eda 'jāved'
tirī jab āñkheñ khulī haiñ to dushmanoñ tak rah

ai sail-e-ab Thahar ab ke gardanon tak rah

tirchhī nigah se tā.ir-e-dil ho chukā shikār
jab tiir kaj paḌe to uḌegā nishāna kyā

sun to sahi jahan mein hai tera fasana kya

tīr-e-mizhgāñ hai kyā balā jis ke
jān-o-dil se nishāna haiñ ham log

yaadgar-e-zamana hain hum log

sazā-e-ishq-e-mizhgān-e-butān-e-sañg-dil paa.ī
huī bārish har ik jānib se ham par tiir patthar kī

baDha di ek nazar mein tu ne kya tauqir patthar ki

kise ḳhabar yahīñ terā shikār ho 'jāved'
tū chand tiir añdhere meñ hī chalā to sahī

koi kahani koi waqia suna to sahi

tarkash se takabbur ke jo itrā ke chalā hai
vo tiir nishāne pe lagā hai na lagegā

narghe mein ghaTaon ke raha hai na rahega