Tags-Travel

zindagī ke is safar meñ saikḌoñ chehre mile
dilkashī un kī alag paikar tirā apnī jagah

abhī safar meñ huuñ chalnā mirā muqaddar hai
pahuñch gayā huuñ jahāñ vo mirā maqām nahīñ

ik qadam ke fāsle par donoñ aa kar ruk ga.e
bas yahī manzil safar kī āḳhirī achchhī lagī

dā.ere meñ apne ham donoñ safar karte rahe
barf sī donoñ jazīroñ par jamī achchhī lagī

jis pe mahv-e-safar rahā tū mudām
bas vahī merī rahguzar Thahrī

jānāñ dil kā shahr nagar afsos kā hai
terā merā saarā safar afsos kā hai

ye ā.īne kā safar-nāma nahīñ
kisī aur rañg kī kashtī kī kahānī hai

safar kā silsila āḳhir kahāñ tamām karūñ
kahāñ charāġh chalā.ūñ kahāñ qayām karūñ

bas ek hogā tamāshā tamām samtoñ par
mirī sadā ke safar meñ sarāb kyuuñ aayā

ghaT ga.ī yā to zauq-e-safar kī lagan baḌh ga.ī yā na.ī laġhzishoñ se thakan
koī to baat hai jo sar-e-rah-guzar aaj manzil ne ham ko pukārā nahīñ

fāsle miTe bhī haiñ aur kuchh baḌhe bhī haiñ
ye safar zarūrī hai aur rā.egāñ bhī hai

apnā azm-e-safar na thā apnā
hukm miltā rahā to chalte rahe

mirī galī ke makīñ ye mire rafīq-e-safar
ye log vo haiñ jo chehre badalte rahte haiñ

maiñ apnī zaat kī ta.abīr kī talāsh meñ thā
to mere ḳhvāb chale ban ke ham-safar mere

safar meñ rāsta jo pur-ḳhatar milā thā mujhe
bahut hī ḳhuub thā kyuuñ rāhbar milā thā mujhe

zindagī tanhā safar par gāmzan hotī huī
aur ham yādoñ ko pichhlī ham-qadam karte hue

ye merī ābla-pā.ī mujhe mubārak ho
vo din yahī thā ki izn-e-safar milā thā mujhe

thakāvaToñ se baiTh ke safar utāriye kahīñ
balā se garm ret ho agar na mil sake zamīñ

gul hī is baaġh se jaane pe nahīñ baiThā kuchh
gaThrī ġhunche ne bhī az-bahr-e-safar bāñdhī hai

din meñ sūraj ke the ham-safar din Dhale
le ke māyūsiyāñ ghar ga.e sab ke sab