Tags-Ummeed

ek ummīd baḌī duur talak jaatī hai
terī āvāz ke ḳhāmosh ishāre le kar

haiñ kisī ke muntazir ham magar ai umīd-e-mub.ham
kahīñ vaqt rah na jaa.e yūñhī karvaTeñ badal kar

ummīd to bañdh jaatī taskīn to ho jaatī
va.ada na vafā karte va.ada to kiyā hotā

āzāda-manish rah duniyā meñ parvā-e-ummīd-o-bīm na kar
jab tak na mileñ fitrat ke qadam ḳham dekh sar-e-taslīm na kar

ham jān-o-dil ko de chuke mauhūm umiid par
ab ho so ho Dubo de ye kashtī sharāb meñ

koshish bhī kar umiid bhī rakh rāsta bhī chun
phir is ke ba.ad thoḌā muqaddar talāsh kar

phir bāñdh lī kisī se ummīd-e-vafā 'qatīl'
phir ik mahal havāoñ meñ ta.amīr ho gayā

ummīd-e-vasl kī hālat na pūchho
faqat ik aasrā hī aasrā thā

ġhamoñ kī bhiiḌ meñ ummīd kā vo aalam hai
ki jaise ek saḳhī ho ka.ī gadāoñ meñ

isī ummīd pe marmar ke jiye jaatā huuñ
vo mirī qaid se kab degā rihā.ī mujh ko

saḳht-jānī ke mile kitne hī e.azāz mujhe
aur miltā bhī kyā ummīd kī be-zārī se

jaane kis kā kyā chhupā hai us dhueñ kī saf ke paar
ek lamhe kā ufuq ummīd bhar merā bhī hai

diid se jān-e-dīd tak dil se ruḳh-e-umīd tak
koī nahīñ hai darmiyāñ shām-ba-ḳhair shab-ba-ḳhair

is ko ummīd nahīñ hai kabhī phir basne ke
aur vīrānoñ se is dil kā hai vīrāna judā

rakhūñ umīd-e-karam us se ab maiñ kyā 'sāhir'
ki jab nazar se bhī zālim mirā salām na le

kabhī to un ko hamārā ḳhayāl aa.egā
ham is ummīd pe tark-e-vafā nahīñ karte

maza kuchh aur hī aa.egā dil lagāne meñ
vafā kī shāḳh se ummīd ke samar bāñdho

qatl ke ba.ad mujhe saa.e meñ Daal aate
itnī to ummīd thī mujh ko yāroñ se

qaa.em hai vahāñ diin bhī duniyā bhī ba-ummīd
ham ko karam-e-rahmat-e-dāvar hue maḳhsūs

us ke dīdār kī ummīd dobāra kaisī
kahīñ hotī hai tajallī ko bhī takrār ġhalat