Tags-Wafa

rah vafā meñ koī sāhib-e-junūñ na milā
diloñ meñ azm to paa.e ragoñ meñ ḳhuuñ na milā

kahīñ gumnām na ho jaa.eñ vafā meñ merī
merī rusvā.ī kī shohrat ne agar saath diyā

vo to ḳhud-ġharzī hai lālach hai havas hai jin kā
naam is daur ke insāñ ne vafā rakkhā hai

manzar-e-zaḳhm-e-vafā kis ko dikhā.eñ
shahr meñ qaht-e-vafā hai ab ke

nahīñ nahīñ maiñ vafā se kināra-kash to nahīñ
vo de rahā hai mujhe hijr kā azaab to de

ye sail-e-ashk mujhe guftugū kī taab to de
jo ye kahūñ ki vafā kā mirī hisāb to de

nashāt-e-husn ho josh-e-vafā ho yā ġham-e-ishq
hamāre dil meñ jo aa.e vo aarzū ho jaa.e

koī va.ada tirā vafā honā
din meñ tāroñ kā rūnumā honā

bhuul jaa.eñ jahāñ ke jaur-o-sitam
apnī mehr-o-vafā kī baat kareñ

mudda.ā-e-vafā kise ma.alūm
dil-e-be-mudda.ā kī baat kareñ

rasm-e-mehr-o-vafā kī baat kareñ
phir kisī dilrubā kī baat kareñ

rañj ye hai ki mirā dard se mahkā huā tiir
us vafā-soz ne pahlū meñ khubūne na diyā

sitam pe daad ke ḳhvāhāñ tumhīñ se haiñ 'jāved'
vo jāneñ kyā ki jafā kyā hai aur vafā kyā hai

ġhair ne tum ko jaañ kahā samjhe bhī kuchh ki kyā kahā
yaanī ki bevafā kahā jaañ kā e'tibār kyā

vo iThlā ke merī taraf aa rahe haiñ
qayāmat kā va.ada vafā ho rahā hai

paikar-e-vafā kis ne
jism se tarāshā hai

kahte haiñ va.ada raat ko hogā vafā zarūr
allāh jald shaam ho roz-e-hisāb kī

hai mohabbat aisī bañdhī girah jo na ek haath se khul sake
koī ahd toḌe kare daġhā mirā farz hai ki vafā karūñ

yahī ik nibāh kī shakl hai vo jafā kareñ maiñ vafā karūñ
agar is pe bhī na nibhī to phir mire kirdgār maiñ kyā karūñ

rāh-e-vafā meñ ham ko ḳhushī kī talāsh thī
do gaam hī chale the ki har gaam ro paḌe