English
Favourite
Favourite
UrduShayarUrduShayar
Expand menu
Sign inAccount

Tags-Azaab

koī charāġh atā kar koī gulāb utaar
vagarna shahr-e-sitam par vahī azaab utaar
Ghazal
 koi charagh ata kar koi gulab utar
ajiib dard kā rishta hai ik azaab hai ye
jise bhulā diyā maiñ ne vo bhūltā bhī nahīñ
Ghazal
 ajib dhund hai aaankhon ko sujhta bhi nahin
azāb-e-zehn thī ik mehr āb-o-dāne par
tire nagar meñ ḳhushī se rahā koī bhī na thā
Ghazal
 ajib dukh hai labon par gila koi bhi na tha
sah chukī sab dhuup paanī ke azaab
zindagī āḳhir tire kas-bal ga.e
Ghazal
 aag thi aisi ki arman jal gae
jīte-jī maut kā Dar ba.ad-e-fanā ḳhauf-e-azāb
juz ġham-o-rañj yahāñ hai na vahāñ hai kuchh aur
Ghazal
 kya kahun ghuncha-e-gul nim-dahan hai kuchh aur
hijr-o-visāl ḳhatm hue Thiik hai ye khel
tujh ko bhī nāgavār mujhe bhī azaab thā
Ghazal
 mere liye wajud ka dariya sarab tha
zarā sī der ko aa.e the ḳhvāb āñkhoñ meñ
phir us ke ba.ad musalsal azaab āñkhoñ meñ
Ghazal
 zara si der ko aae the KHwab aankhon mein
vaqt ne az-rah-e-karam baḳhshā thā mujh ko tāj-e-zar
maiñ ne hī ḳhud jhaTak diyā sar kā azaab jaan ke
Ghazal
 mujhko muaf kijiye rind-e-KHarab jaan ke
mohabbatoñ kī ināyatoñ se huā hai dil ye ḳharāb baabā
ḳhudā-parastī kā taur dekho banā hai kaisā azaab baabā
Ghazal
 mohabbaton ki inayaton se hua hai dil ye KHarab baba
maiñ tajraboñ kī aziyyat kise kise samjhā.ūñ
ki tere ba.ad bhī mujh par azaab ā.eñge
Ghazal
 ajab tha zoam ki bazm-e-aza sajaenge
azāb-e-sohbat-e-nā-jins ke shikār haiñ ham
ḳhudā zamīñ pe hameñ de hamārā saanī bhī
Ghazal
 rahi agarche nigaron ki mehrbani bhi
ghaTne vaale the jab azaab mire
aa ga.e yaad mujh ko ḳhvāb mire
Ghazal
 ghaTne wale the jab azab mere
siine pe haath dharte hī kuchh dam pe ban ga.ī
lo jaan kā azaab huā dil ko thāmnā
Ghazal
 ai aarzu-e-qatl zara dil ko thamna
nigāh-o-dil se miTā deñ jo tishnagī kā azaab
vo ābshār ke dhāre abhī kahāñ guzre
Ghazal
 kabhi jo shab ki siyahi se na-gahan guzre
ye saarī jannateñ ye jahannam azaab o ajr
saarī qayāmateñ isī duniyā ke dam se haiñ
Sher
 ye sari jannaten ye jahannam azab o ajr
ai mohabbat tū ik azaab sahī
zindagī be tire jahannam hai
Ghazal
 apne gham ka mujhe kahan gham hai
ham be-dar be-ghar logoñ kī ek duā bas ek duā
mālik shahr-e-gulāb salāmat ham par jo bhī aa.e azaab
Ghazal
 sab chehron par ek hi rang aur sab aankhon mein ek hi KHwab
pahle bhī sar bahut kaTe pahle bhī ḳhuuñ bahut bahā
ab ke magar azaab ke daur balā ke aa.e haiñ
Ghazal
 qarya-e-intizar mein umr ganwa ke aae hain
haa.e ai zindagī ab terī masāfat ke azaab
baiTh jaate haiñ kisī saa.e meñ dam khīñchte haiñ
Ghazal
 apni jaanib tere dil ke sabhi gham khinchte hain
haañ jis se us zamīñ kā tavāzun hai barqarār
din raat ke azaab ke aage kuchh aur hai
Ghazal
 lagta hai pech-o-tab ke aage kuchh aur hai
Top Urdushayar.com