Tags-Azaab

ai maut azaab se chhuḌāyā
is qaid se tū ne muḳhlisī kī

dariyā par qabza thā jis kā us kī pyaas azaab
jis kī Dhāleñ chamak rahī thiiñ vahī nishāna hai

zāhid mujhe na māne-e-sharb-e-sharāb ho
aisā na ho savāb ke badle azaab ho

ġham-e-jānāñ kī aziyyat ġham-e-duniyā kā azaab
zindagī maiñ ne guzārī baḌe āzār ke saath

sarak rahe haiñ añdhere har ek bastī se
azāb-e-abr se qurs-e-vafā nikaltī hai

koī junūñ nahīñ saudā.iyān-e-sahrā ko
ki jo azaab bhī aa.e vo shahr par aa.e

azāb-e-ġhaflat-e-qātil se ranj-e-kash-makash meñ huuñ
madad ai marg-e-be-taqsīr zauq-e-jāñ-fishānī hai

niiñd merī hai ḳhvāb logoñ ke
haiñ mire sar azaab logoñ ke

azāb-e-barq-o-bārāñ thā añdherī raat thī
ravāñ thiiñ kashtiyāñ kis shaan se is jhiil meñ

suroñ pe taan ke rakhnā savāb kī chādar
utarne vaale haiñ ab ke azaab zaḳhmoñ ke

ab kyā kahūñ ki saarā mohalla hai sharmsār
maiñ huuñ azaab meñ ki mire zaḳhm bhar ga.e

vo jis kī miTTī meñ pal rahe the shagūfe amn-o-amāñ ke logo
usī pe barsā lahū kā bādal usī pe saare azaab TuuTe

dayār-e-shab ke the sab musāfir sukūt-e-shab to sabhī ne toḌā
to muntaḳhab ik hamī hoñ kaahe hamī pe kyoñ ye azaab TuuTe

kabhī tumhāre qarīb rah kar bhī dūriyoñ ke azaab jheleñ
kabhī kabhī ye tumhārī furqat bhī ham ko lutf-e-visāl de de

hameñ ḳhabar hai ḳharāb hoñge
adhūre sapne azaab hoñge

ek sam-e-azāb sā phail gayā vajūd meñ
roz-o-shab-e-firāq ne jiinā muhāl kar diyā

ye kis azaab meñ us ne phañsā diyā mujh ko
ki us kā dhyān koī kaam karne detā nahīñ

talḳhī-e-kām-o-dahan kab se azāb-e-jāñ hai
ab to ye zahr rag o pai meñ utar bhī jaa.e

na to chakhnā jis kā azaab hai na to piinā jis kā harām hai
sar-e-bazm saaqī ne dī vo mai ki surūr jis kā mudām hai

biite hue dinoñ kī haiñ yādeñ bhī ik azaab
rahtā hai zehn-o-qalb pe un kā sadā itaab